Liverpul' sammiti. Foto: AFP

Apta soñında Britaniyanıñ Liverpul' qalasında «Ülken jetilik» (G7) elderiniñ sırtqı ister ministrleri bas qostı. Kezdesude bastı taqırıp etip Reseydiñ Ukraina şekarasına jaqın äsker toptağan äreketin talqıladı. Soñında Reseyge eskertu jasaumen tarastı.

«Ülken jetilikke» kiretin AQŞ, Britaniya, Kanada, Germaniya, Franciya, Italiya jäne Japoniya SİM basşıları arasındağı kezdesu eki künge sozıldı. Taraptar ortaq bas qosudan qatar G7 qwramındağı elder arasında jekelegen de kezdesuler ötti. Aytalıq, AQŞ memlekettik hatşısı men Japoniyanıñ jaña sırtqı ister uäziri kezdesip Qıtaydıñ Ündi-Tınıq mwhit aymağındağı artıp kele jatqan ıqpalı jäne Soltüstik Koreyanıñ zımıran qateri sekildi özderine ortaq mäselelerdi qarastırdı.

Al, jiındı ötkizip otırğan Britannıñ SİM basışsı Liz Trass sammittiñ aldında amerikalıq äriptesi Antoni Blinkenmen keñesken bolatın. Jiın kezinde ol qazirgi jahandıq geosayasi qiındıqtarğa toqtala otırıp, «Ülken jetilik» elderin Resey, Qıtay jäne Iranğa qarsı birlesuge şaqırdı.

G7 elderi SİM jetekşileriniñ kezekti bas qosuında Beyjiñ Qısqı Olimpiada oyındarına diplomatiyalıq baykot jariyalau mäseleside kün tärtipte boldı. Bwğan deyin AQŞ, Britaniya, Australiya jäne Kanada sekildi ağılşın odağı Qıtaydağı sporttıq dordağa diplomatiyalıq baykod jariyalağan edi.

Aldağı uaqıtta «Bes köz» elderiniñ soñğısı Jaña Zelandiya da osı qadamdı qaytalauı mümkin. Alayda, Franciya baykot jariyalauğa qarsılığın bildirgen.

Sammitten keyin «Ülken jetilik» Ukraina şekarasındağı jağdayğa baylanıstı Reseyge eskertu jasap, äsker toptaudı qısqartuın talap etti. Eger Resey bwl talaptı eskermese «keñ auqımdı» dep atalatın ekonomikalıq sankciyağa tws kelui mümkin ekenin bildirdi.

The Qazaq Times