24 qazan keşte bir aydan asa uaqıt jansaqtau böliminde jatqan aqın dissident Aron Atabek qaytıs boldı. 

Türmeden şıqqannan keyin Azattıq tilşisine bergen swhbatında özin «Men qazaqtıñ samurayımın, soñına deyin küresem» degen qazaqtıñ qaysar wlanınıñ jüregi wzaq uaqıt türmede körgen azabınıñ saldarınan aqırı toqtadı.

20 qazanda Aronnıñ qarındası Räziya Nutışeva ağasınıñ jağdayınıñ naşarlap jansaqtau bölimine tüskenin habarlağan.

2006 jılğı Şañıraq oqiğasına baylanıstı 18 jılğa sottalıp, sonıñ 15 jılın tar qapasta ötkizgen Arondı ötken 1 qazanda Pavlodar sotı densaulığına baylanıstı qalğan üş jılın şarttı jazağa özgertip türmeden şığarğan. Al Atabek özin tolıq aqtamayınşa «densaulıq jağdayna baylanıstı» bosatuğa qarsı bolğan.

Aronnıñ türmeden bosatıluı turalı biraz qoğam belsendileri «Bilik Aron türmede ölip qalatın bolsa, halqaralıq adam qwqıqtarına qatıstı wyımdar men birge el azamattarınıñ da narazılığına tap bolamız» degen üreymen bosattı dep sanaydı.

Baqwl bol qazaqtıñ samurayı! Qoş bol tasqa şapsa qaytpaytın qayqı qılışı! Janıñ jännattan bolsın! Alla tağala öz panasına alsın!

The Qazaq Times