Byudjeti 7,6 trln teñge bolatın «Quattı öñirler – el damuınıñ drayveri» wlttıq jobası ayasında 2025 jılğa deyin jwmıs isteytin jastar üşin 15 mıñ baspana jalğa beriledi. Äleumettik osal topqa, twrmısı naşar, tabısı jetkiliksiz azamattarğa arnalğan jaña bağdarlama iske qosıladı.
Jwma küni OrtKom alañında ötken brifingte QT tilşisi wlttıq jobanı tüzuge jäne jüzege asıruğa jauaptı vedomstvo ökilderinen jalğızbastı äkeler ya analardıñ, türli äleumettik toptardıñ tört jılğı jospardağı ornı turalı swradı.
Üş megapolistegi jwmısşı jastarğa 2019 jıl 3 mıñ, 2020 jıl 1 mıñ baspana jalğa berildi, biıl tağı 3 mıñ päter beru josparlanğan. Ministrliktiñ mälimetinşe, joba jastarğa baspanalı bolu üşin bastapqı jarnasın jinauğa jağday jasap qana qoymay, narıqta swranısqa ie käsipti meñgergen mamandardı ıntalandırudı maqsat twtadı.
«Osı ayda jaña zañ küşine enedi. Adamdardı üymen qamtu ideologiyası mülde özgerip jatır. Jalğızbastı äke ya ananıñ jağdayı men mümkindigine qarap, üyin özi tañdauına mümkindik bermekpiz. Jağdayı joq azamattarğa jalğa beriletin päter memleket tarapınan subsidiyalanadı. Subsidiya är öñirdiñ erekşeligine qaray bekitiledi. Bwdan özge tabısına qaray 2-5% mölşerinde nesiege twrğın üy beriledi. Osılayşa, 2025 jılğa deyin kezekte twrğandardı qısqartuğa tırısamız», – dedi industriya jäne infraqwrılımdıq damu vice-ministri Qayırbek Öskenbaev.
Ükimet «Jaylı twrğın üy» jobası şeñberinde twrğın üy qwrılısına 13,5 trln teñge investiciya tartıladı deydi. Bwl qarajatqa 185,1 mıñ adam üşin jeke twrğın üy qorınan twrğın üydi jalğa alu, 102,3 mıñ birlik äleumettik jalğa beru qwrılısın salu şığıstarın subsidiyalau, auılda jalğa beriletin 2,9 mıñ üy salu közdelgen. Özin «Halıq ünine qwlaq asatın ükimet» dep sanaytın Maminniñ minkabineti tört jılda audanı 103 mln şarşı metr twrğın üy saluğa uäde berdi.
«Otbası müşelerine şaqqanda eñ tömengi künköris mölşerinen (34 mıñ teñge – QT) tömen tabısı bar kezekte twrğandar jañadan engiziletin twrğın üydi subsidiyalau tetigi arqılı jaldamadı baspanamen qamtamasız etiledi. Olarğa negizinen köp balalı otbasılar, jetim balalar, mügedek balaları bar otbasılar jäne halıqtıñ basqa da äleumettik osal toptarı jatadı.
Tabısı eñ tömengi künköris mölşerinen joğarı (är adamğa 34 mıñ teñgeden joğarı – QT) kezekte twrğandar jaña twrğın üyge Otbası banki arqılı jeñildetilgen nesie alu arqılı qol jetkize alatın boladı. Bwl sanatqa köbine memlekettik qızmetkerler, byudjet qızmetkerleri,sonday-aq tolıq emes otbasılar jäne basqa kezekte twrğan azamattar kiredi», – dep tüsindirdi ministrliktiñ baspasöz qızmeti wsınğan jauapta.
Qazir Qazaqstanda 577 mıñnan asa adam twrğın üy kezeginde twr. Keyingi jıldarı, äsirese, pandemiya twsında Ükimet halıqtıñ äleumettik jağdayın jasay almay, eldiñ twrmısı naşarlağan. Qımbatşılıq qısqanın aytqan jwrt künköristiñ qiındağanına narazı. Resmi statistikada jwmıssızdar men narıqtağı bağa ädettegidey twraqtı dep körsetiledi.
Kiberşabuılğa wşırağan BAQ ökilderi qwqıq qorğau organdarına arız tüsirdi
Oyan, Qazaqstan qozğalısınıñ tağı bir belsendisin policiya bölimine şaqırdı
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Eks-ministr äyelin sabap öltirdi degen küdikpen wstaldı