Jalalabad qalasında Tälipter "IM" tobınıñ şabuılına jii wşırauda. Foto; BBC

Auğanstandağı «Islam memleketi» terrorlıq tobı tälipter el biligine kelip jatqan twsa Kabul halıqaralıq äuejayında eki ülken jarılıs jasağan bolatın. Bwl oqiğa şın mäninde Auğanstandağı eki islamdıq qarulı toptıñ ara jigin aşıp, bir-birine qarsı qatal äri qandı qarsılıqqa ötkenin körsetip edi. Qazir eldiñ resmi biligi retinde halıqaralıq qauımdastıq pen körşiles elder aldında moyındalu üşin «Taliban» eldegi «Islam memleketi» terrorlıq tobına qarsı küres jürgizip jatqanın dañğazalap körsetip jatır.

Tälipter bilikke kelgennen keyin Auğanstanda qaqtığıs toqtap, qoğam birşama tınıştalıp qalğanday bolğan. Alayda, el halqı «Taliban» men «Islam memleketi» arasında jaña qaqtığıstıñ twtanuınan alañday bastadı. Sebebi, soñğı aptalarda Auğanstannıñ şığısındağı Jalalabad qalasınıñ mañında belgisiz adamdar jağınan öltirilgen mürdeler tabılıp jatır. Türli täsildermen öltirilgen bwl mürdelerdiñ qaltasına üreyli hattar salınğan, onda bwl adamdı «Islam memleketi» tobına qosılğanı üşin öltirilgeni aytılğan.

Bwnday ürey wşırarlıq isterdi eşkim jauapkerşiligine almağanımen eldiñ biligin qolına alğan tälipterge jauapkerşiliktiñ artıları sözssiz. Bwğan qarap eki wyım ortasına maqsattı arandatuşılıq äreketi deytin boljamdar da bar. Qalay bolmasın Auğanstandağı eki top arasındağı qandı ayqas bwdan bwrın da bastalıp ketken edi. Bwl qaqtığıstıñ negizgi maydanı Nangarhardağı Jalalabad şaharı bolıp otır.

Mälimetterge say Auğanstanda «IM» tobına tiesili eşbir provinciya nemese audan joq. Tek bwğan deyin Nagarhar men Gunar oblıstarında bazalarınıñ bar ekeni ayıtılıp kelgen. Ondağı bazaları da AQŞ äue küşteriniñ, bwrınğı Auğanstan qarulı küşteriniñ jäne tälipter jağınan da birneşe ret tazalauğa wşırağan. Qazir Auğanstan jerindegi «IM» tobında birneşe mıñ ğana adam bar delinedi. Alayda, bwl top Ortalıq Aziya men Päkistandağı jaqtastarın tez arada tartıp aluı da mümkin.

The Qazaq Times