Irannıñ SİM basşısı kelissöz turalı swhbat berdi. Foto: Tehran Times

Iran «yadrolıq kelisim» turalı kelissözge oraladı. Bwl turalı eldiñ jaña sırtqı ister ministri NBC News arnasına bergen swhbatında mälimdedi. Onıñ aytuınşa kelissözder «jaqın arada» bastalmaq.

Iran jaña ükimetiniñ bas diplomatı Huseyn Ämir Abdullahiyan 2015 jılğı «Iran yadrolıq kelisimine» qatıstı kelissözderdiñ qalay jürip jatqanı, AQŞ-pen aradağı kelissözderdiñ deñgeyi turalı tolıq mälimet bermegen. Degenmen, Tehran (Tegeran) biligi yadrolıq kelisimge keluge nietti ekenin bildirgen. Biraq, Iranğa bağıttalğan sankciyalardı toqtatu Tehran biliginiñ yadrolıq kelisim jasauınıñ alğışartı dep körsetti.

Abdullahiyan sözinde: «Olar jauapkerşiligindegi mindetterin orındauğa dayın ekenin qaytalaydı. Biraq, Iran men onıñ halqına kelisimdi atqaruğa degen şınayı bet-beynesin körsetpeydi. Eñ qiını Iranğa jaña sankciyalar salınuda», – degen. Abdullahiyan Baydenniñ Iranğa qaratqan sayasatın da sınğa alğan, bwl turasında: «Bayden özinen bwrınğı prezident Tramptıñ Iran sayasatın sınğa alğanımen, onıñ Iranğa salğan sankciyasın asa mwqiyat atqarıp otır. Bwl şın mäninde IIR-ına bağıttalğan sayasatınıñ şın beynesi. Eger Qwrama Ştattar kelisimge keludi közdese nege bwnday qadamdar jasaydı?», – degen.

Iran Islam Respublikasınıñ jaña biligi bwrınğı ükimet jürgizgen kelissözder men keybir kelisimderdi qayta bağalaudan ötkizu üstinde. Sarapşılardıñ boljauınşa jaña bilik kelissözdi alğa jıljıtatın qadamdar jasağısı keledi, alayda Qwrama Ştattarmen qarım-qatınasta bwrınğı biliktiñ wstanımın jalğastıradı dep sanaydı.

The Qazaq Times