يراننىڭ ءسىم باسشىسى كەلىسسوز تۋرالى سۇحبات بەردى. فوتو: Tehran Times

يران «يادرولىق كەلىسىم» تۋرالى كەلىسسوزگە ورالادى. بۇل تۋرالى ەلدىڭ جاڭا سىرتقى ىستەر ءمينيسترى NBC News ارناسىنا بەرگەن سۇحباتىندا مالىمدەدى. ونىڭ ايتۋىنشا كەلىسسوزدەر «جاقىن ارادا» باستالماق.

يران جاڭا ۇكىمەتىنىڭ باس ديپلوماتى حۋسەين ءامىر ابدۋللاحيان 2015 جىلعى «يران يادرولىق كەلىسىمىنە» قاتىستى كەلىسسوزدەردىڭ قالاي ءجۇرىپ جاتقانى، اقش-پەن اراداعى كەلىسسوزدەردىڭ دەڭگەيى تۋرالى تولىق مالىمەت بەرمەگەن. دەگەنمەن، تەھران (تەگەران) بيلىگى يادرولىق كەلىسىمگە كەلۋگە نيەتتى ەكەنىن بىلدىرگەن. بىراق، يرانعا باعىتتالعان سانكتسيالاردى توقتاتۋ تەھران بيلىگىنىڭ يادرولىق كەلىسىم جاساۋىنىڭ العىشارتى دەپ كورسەتتى.

ابدۋللاحيان سوزىندە: «ولار جاۋاپكەرشىلىگىندەگى مىندەتتەرىن ورىنداۋعا دايىن ەكەنىن قايتالايدى. بىراق، يران مەن ونىڭ حالقىنا كەلىسىمدى اتقارۋعا دەگەن شىنايى بەت-بەينەسىن كورسەتپەيدى. ەڭ قيىنى يرانعا جاڭا سانكتسيالار سالىنۋدا»، – دەگەن. ابدۋللاحيان بايدەننىڭ يرانعا قاراتقان ساياساتىن دا سىنعا العان، بۇل تۋراسىندا: «بايدەن وزىنەن بۇرىنعى پرەزيدەنت ترامپتىڭ يران ساياساتىن سىنعا العانىمەن، ونىڭ يرانعا سالعان سانكتسياسىن اسا مۇقيات اتقارىپ وتىر. بۇل شىن مانىندە ير-ىنا باعىتتالعان ساياساتىنىڭ شىن بەينەسى. ەگەر قۇراما شتاتتار كەلىسىمگە كەلۋدى كوزدەسە نەگە بۇنداي قادامدار جاسايدى؟»، – دەگەن.

يران يسلام رەسپۋبليكاسىنىڭ جاڭا بيلىگى بۇرىنعى ۇكىمەت جۇرگىزگەن كەلىسسوزدەر مەن كەيبىر كەلىسىمدەردى قايتا باعالاۋدان وتكىزۋ ۇستىندە. ساراپشىلاردىڭ بولجاۋىنشا جاڭا بيلىك كەلىسسوزدى العا جىلجىتاتىن قادامدار جاساعىسى كەلەدى، الايدا قۇراما شتاتتارمەن قارىم-قاتىناستا بۇرىنعى بيلىكتىڭ ۇستانىمىن جالعاستىرادى دەپ سانايدى.

The Qazaq Times