Säken Bibosınov qızıl formada. Foto: prosports.kz

Qazaqstan boksşısı Säken Bibosınov Tokiodağı olimpiada oyındarınıñ jartılay finalına şıqtı. Endi onıñ qorjınında kemi qola jülde bar.

52 kilogram salmaqta sınğa tüsip jatqan Bibosınov 3 tamız küni ötken şirek finalda ispan boksşısı Gabriel' Eskobardı 3-2 esebimen jeñdi. Ol qarsılasın birinşi raundta bir ret nokdaunğa tüsirdi.

Bibosınov endi jartılay finalda Wlıbritaniya boksşısı Galal YAfayğa qarsı jwdırıqtasadı. YAfay şirek finalda 2017 jılğı älem çempionı kubalıq Yosvani Veytiyanı jeñdi.

YAfay men Bibosınov arasındağı jartılay finaldıq jekpe-jek 5 tamız küni ötedi. Jeñgen boksşı aqtıq sında Karlo Paalam (Filippin)-Remei Tanaka (Japoniya) jwbınıñ jeñimpazımen altın medalğa talasadı.

Bibosınov – jartılay finalğa joldama alğan qazaqstandıq ekinşi boksşı. Büğan deyin asa auır salmaqta jwdırıqtasatın Qamşıbek Qoñqabaev jartılay finalğa şıqqan.

Bügin şirek finalda Zäkir Safiullin (63kg) jwdırıqtasadı. Qazaqstannıñ qalğan boksşıları jarıs jolınan şığıp, jüldesiz qaldı.

Qazaqstan qwramasınan Tokioda dzyudoşı Eldos Smetov, auır atletter Igor' Son jäne Zülfiya Çinşanlo qola medal' alğan. 3 tamızdağı jağday boyınşa, Qazaqstan üş qola medal'men komandalıq esepte 71-orında twr.

"The Qazaq Times"