Säken Mayğaziev özi jaylı video tüsirgen belsendini sotqa berdi

Şımkent qalalıq mädeniet üyin basqaratın änşi Säken Mayğaziev özi jaylı video tüsirgen azamattıq belsendi Arujan Düysebaevanı sotqa berdi. Bwl turalı 13 şilde küni keşke qaray tirkelmegen "Dempartiya" jetekşisi Janbolat Mamay öziniñ Fasebook parağında jazdı.

Sud.kz resmi saytındağı aqparatqa qarağanda, Mayğaziev Düysebaevanıñ üstinen 30 mausımda şağım tüsirgen. Şımkent qalasınıñ Qaratau audandıq sotı änşiniñ şağımın 8 şildede negizdi dep tauıp, öndiriske alğan. Sud'ya M.Ämirbekov şığarğan qaulığa qarağanda, änşi belsendiniñ üstinen Qılmıstıq kodekstiñ 131-babı ("Qorlau") boyınşa şağım tüsirgen. Demek Mayğaziev Düysebaevanı "köpşilik aldında nemese bwqaralıq aqparat qwraldarın nemese telekommunikaciyalar jelilerin paydalana otırıp abıroyım men qadir-qasietimdi ädepsiz türde kemsitti" dep ayıptap otır.

Änşiniñ belsendiniñ üstine şığam tüsiruine ne sebep?

Birneşe ay bwrın "Dempartiyanıñ" Youtube video jelisindegi resmi arnasında Säken Mayğaziev Şımkentte qanşa aqşa tonadı?, Säken Mayğaziev pen Şımkent şeneunikteri byudjetti qalay tonap jatır? degen eki video jariyalanğan. Atalğan eki videoda Arujan Düysebaeva Säken Mayğaziev basqaratın mekemeniñ Şımkettegi Naurız toyına jartı mlrd teñgeden astam qarjı bölgenin sınap, änşini "jemqor" dep atağan. Düysebaeva eki videoda da jurnalister men memlekettik satıp alu salasın zertteuşi mamandar keltirgen derekterdi negizge alğan.

"Dempartiya" belsendisi Arujan Düysebaeva bilikke qarsı narzılıq şarasında söylep twr. Almatı qalası. 6 şilde 2021 jıl. Foto: QT / Kültegin Aspanwlı

Düysebaevanıñ The Qazaq Times tilşisine aytuına qarağanda, oğan öziniñ üstinen qılmıstıq is qozğalğanı jaylı habarlama 10 şildede jeke nomerine kelgen, alayda habarlamada istiñ män-jayı naqtı bayandalmağan.

– Sot habarlamasın alğan soñ körsetilgen nömirge habarlastım, biraq söylese almadım. Mağan kelgen habarlamada üstimnen 191-bap boyınşa is qozğalğanı jaylı aytılğan edi. Bügin sottan habarlastı. Säken Mayğaziev Qılmıstıq kodekstiñ 131-babı boyınşa şığımdanıptı. 15 şilde küni sotqa keluim qajet ekenin ayttı. Mayğaziev jaylı birneşe ay bwrın eki video dayındağanbız. Ekeuinde de jurnalisterdiñ ol basqaratın mekeme Naurız toylauğa jartı mlrd teñgeden astam qarjı jwmsadı degen deregin negizge aldım. Mayğazievtıñ jeke basın qorlaytınday eşteme aytqan joqpın, – deydi Düysebaeva.

Al Janbolat Mamaydıñ payımdauınşa, Säken Mayğazievtiñ basqa emes, däl Arujan Düysebaevanı sotqa beruinde sayasi astar bar.

"Bizdiñ payımdauımızşa, Mayğaziev naurız ayında bolğan dau-damayğa qatıstı sotqa arızdanıp otır. Ol kezde jurnalister Şımkent äkimdiginiñ Naurız toylauğa jüzdegen million teñge bölgenin jazdı. Arasında Mayğazievtiñ de familiyası ataldı. Bwl turalı Arujan Düysebaeva da aytqan bolatın. Biraq onday jağdayda Mayğaziev nege basqa jurnalisterdi sotqa bermey, däl Arujanğa qarsı arız jazdı? Demek mwnıñ astarında sayasi sebep jatuı mümkin. Şındıqtı aytıp, mitingterge şığıp jürgen qazaqtıñ qızın qudalau üşin" dep jazdı J.Mamay Facebook parağındağı jazbasında.

Şımkenttegi Naurız toyınıñ jay-japsarı

Üş jarım ay bwrın memlekettik satıp alu portalındağı resmi derekterdi negizge alğan jurnalister men belsendiler änşi Säken Mayğaziev basqaratın Şımkent qalalıq mädeniet üyiniñ Naurızğa arnalğan is-şaralarğa 595 mln teñge qarjı bölgenin anıqtağan. Sol kezde bwl oqiğa qoğamda ülken şu tudırğan edi.

Jurnalister zertteuinde Şımkent qalalıq mädeniet üyiniñ Naurızğa oray jasasqan kelisimşarttarda tehnikalıq erekşeliekterdi dwrıs toltırmağanı aytılğan. Bwğan qosa, osı mäseleni kötergen belsendiler is-şaralarğa bölingen qarjı tım köp ekendigine jäne tenderdi täjiribesi joq kompaniyalardıñ wtqanına basa nazar audarğan.

Şımkent qalası äkiminiñ birinşi orınbasarı Şıñğıs Mwqan men Şımkent qalalıq mädeniet üyiniñ direktorı Säken Mayğaziev

Mäsele qoğamda qızu talqılanıp jatqanda Säken Mayğaziev te, Şımkent qalası äkiminiñ birinşi orınbasarı Şıñğıs Mwqan da jurnalister keltirgen derekti joqqa şığardı. Olar "Naurızğa tek 213  mln teñge bölingenin, jurnalister keltirgen 595 mln teñge jıl boyı ötetin is-şaralarğa qarastırılğanın" uäj etti. Biraq olardıñ bwl mälimeti memlekettik satıp alu portalındağı resmi derekke qayşı boldı. Öytkeni Mayğaziev basqaratın mädeniet üyi türli kompaniyalarmen jasasqan 7 kelisimşartta da is-şaralardıñ Naurız merekesine oray ekeni anıq jazılğan.

24 mausımda Ortalıq kommunikaciyalar qızmetinde ötken brifingte "Qazaqtayms" tilşisiniñ swrağına jauap bergen Şımkent qalasınıñ äkimi Mwrat Äytenov te 595 mln teñge tek Naurız toylauğa emes, jıl boyı ötetin is-şaralarğa da qarastırılğanın ayttı. Onıñ sözinşe, memlekettik satıp alu portalındağı 595 mln teñgege jasalğan kelisimşarttıñ bärinde Naurız merekesi dep jazılıp twruına "mekeme qızmetkeriniñ qateligi sebep" bolğan.

Äytenovtıñ "Naurızğa 213 mln teñge bölindi, 595 mln teñge jıl boyı ötetin is-şaralar üşin qarastırılğan" degeni memlekettik satıp alu portalındağı resmi derekke qayşı. Öytkeni Şımkent qalalıq mädeniet üyiniñ jıl bastalğalı merekelik is-şaralar üşin jasasqan kelisimşarttarınıñ jalpı qwnı qazirdiñ özinde 680 mln teñgeden asıp ketti. Memlekettik satıp alu portalındağı mälimetke qarğanda, Şımkent äkimdigi merekelik is-şaralarğa 2021 jılı 800 mln teñgeden astam qarajat jwmsaudı josparlap otır.

"The Qazaq Times"