ANOM mobil'dik bağdarlaması. Foto: The Australian

AQŞ Federaldıq Barlau qızmeti (FBI) ANOM attı jaña mobil'dik bağdarlama arqılı wyımdasqan jäne şekara attağan qılmıstıq toptardı twzaqqa tüsirip, qılmısqa qatısı bar delingen 800-den astam adamdı twtqınğa alğan. Auqımdı operaciyanı Australiyanıñ qwqıq qorğau organdarımen birlese otırıp jürgizgen.

Federaldıq Barlau qızmeti jaña dan jasalğan ANOM wyalı telefon bağdarlaması qılmıskerler arasında taratu arqılı kontrabandalıq, esirtki atkezşiligi, adam saudası, adam öltiru jäne özge de qılmıstarmen aynalısatın şekara attağan wyımdasqan qılmıstıq top müşelerin qwrıqqa tüsirgen.

Australiyalıq äriptesterimen ınıtmaqtasa jasalğan operaciyada kontrabandalıq toptar men qılmıstıq mafiya toptarın bastı nısanağa alğan. Nätijesinde 8 tonna ulı şegimdik, 250 avtomat qaruı, qwnı 48 mln AQŞ dolları twrtın türli valyutadağı aqşanı tärkilegen. Australiya prem'eri arnayı operaciyanıñ nätijesin joğarı bağalay otırıp, «halıqaralıq wyımdasqan toptarğa qarsı eñ auır soqqı jasalğanın» mälimdegen.

ANOM bağdarlaması qılmıstıq toptardı qalay qwrıqqa tüsirdi?

Bwğan deyin FBI paydalanğan jasırın qosımşanıñ ekeui talqandalğan. Qılmıstıq top müşeleri saqtığın küşeytip, qauipsiz wyalı telefondarğa mwqtaj bola bastağan. FBI osı jağdaydı paydalana otırıp, ANOM bağdarlamasın jasırın deldaldar arqılı qılmıstıq toptardiñ eñ mañızdı degen müşeleri arasına taratqan. Sol arqılı qauipsiz delingen platformağa qılmıstıq top jetekşileriniñ senimin arttırğan.

Australiya policiyasınıñ aytuınşa, ädettegi bağdarlamalar arqılı (Android, IOS) qoñırau soğu nemese elektrondı hat sandığın paydalanu, habarlama jiberu äreketteri oñay aşıqqa şığıp qalatındıqtan qılmıstıq toptağılar qauipsiz bağdarlamanı izdestiredi. ANOM bağdarlaması tek osı bağdarlamanı ğana qoldanatındar arasındağı habar-baylanıstı qamtamasız etedi. Bwl qılmıstıq top müşelerine «qauipsiz» degen senim wyalatadı. Alayda, bağdarlama Federaldıq barlau qızmeti jağınan baqılanadı da, habar-baylanıtardıñ barlıq mälimeti jinalıp otıradı. Osılayşa şekara attağan qılmıstıq toptar qolğa tüsken.

“The Qazaq Times”