Foto: Vlast.kz

Pavlodar oblısınıñ mäslihatına "Nwr Otan" partiyası atınan saylanğan deputat Qayrat Äbişev 15 künge qamaldı. Bwl turalı bügin, 26 mamırda Pavlodar äkimşilik sotınıñ mälimetine süyengen QazTAG agenttigi habarladı.

Aqparatqa qarağanda, 25 mamırda Pavlodar qalasınıñ mamandandırılğan äkimşilik sotı onı Äkimşilik kodekstiñ 613-bap 4-böligi boyınşa ("äskeri policiya organ qızmetkerliniñ talaptarın orındamau, alkogol'dik, esirtkilik jäne (nemese) masañ küyin kuälandırudan ötuden jaltaru") kinäli dep tanıp, 15 künge qamağan, sonımen birge 8 jıl kölik jürgizuge tıyım salğan.

Sot qaulısında 1979 jılğı jauapkerdiñ "Däneker" şarua qojalığı men "Food Mix" kompaniyasın basqaratını jazılğan.

İs materialdarına süyensek, 25 mamırda tañerteñgi sağat 5-ter şamasında ol Toyota Camry köligimen jürip, policiya nazarına ilingen. Policiya qızmetkerleri planşetten onıñ köliginiñ tehnikalıq tekseruden ötpegenin bayqap, toqtatqan. Odan işimdiktiñ iisi şığıp twrğan. Artınşa kölik basqarudan şettetilip, işimdikti anıqtau üşin oblıstıq psihikalıq saulıq ortalığına jiberilgen. Biraq deputat policiya talabın orındamağan.

Ol sot kezinde kinäsin moyındamay, wyıqtar aldında öttegi tastı eritetin spirt qosılğan twnba işkenin aytqan. Tañerteñ balalarına däri-därmek satıp alu üşin basqa kölikpen ketip qalğanın jetkizgen. Ol sottan özin qamamaudı, jwmısşılarına jalaqı töleu qajettigin alğa tartqan.

"Nwr Otan" müşesi Qayrat Äbişev 2016 jılı naurız ayında Pavlodar oblısınıñ 6 şaqırılım deputattarınıñ qwramına kirgen. Biıl da mäslihat qwramına ötken.

"Nwr Otan" – Qazaqstan parlamentinde basım dauısqa ie partiya. Onıñ törağası – Qazaqstandı 30 jılğa juıq üzdiksiz bilegen Nwrswltan Nazarbaev. Elde basşılıq qızmettegi şeneunikterdiñ köbi osı partiyanıñ müşesi.

"The Qazaq Times"