Dempartiya bastamaşıl tobı Jer zañnamasına qarsılıq tanıtıp şıqqan mitingte arnayı jasaqpen şarpısıp qaldı. Almatı qalası. Ş.Uälihanov alañı. 24 säuir 2021 jıl. Foto: QT / Kültegin Aspanwlı

Almatıda şeteldikterge jerdi wzaq merzimdi jalğa beruge qarsılıq mitingisi ötip jatır. Biliktiñ tosqauılına qaramastan alañğa 200 şaqtı adam jinaldı.

Mitingige şığudıñ bastı sebebi – mäjiliste maqwldanıp, senatta qaralıp jatqan jer turalı zañ jobasında orman şaruaşılığımen aynalısu üşin şeteldikterge jer berudi közdeytin baptıñ boluı.

Dempartiya ökilderi men pikirin bildiruge kelgen erikti spikerler kezektesip söz söyledi. Almatı qalası. Ş.Uälihanov alañı. 24 säuir 2021 jıl. Foto: QT / Kültegin Aspanwlı

Jinalğandar jerdi şeteldikterge jalğa bermeudi jäne satpaudı talap etti. Sonımen qatar Qazaqstanda 56 qıtaylıq zauıt saluğa qarsılıq bildirdi. Şerude jwrt «Jer şeteldikterge satılmasın!», «Nazarbaev, ket!» dep wrandadı. Mitingtiñ zañsız ekenin tüsindiruge tırısqan prokurordı halıq ığıstırıp tastadı.

Miting barısınan. Almatı qalası. Ş.Uälihanov alañı. 24 säuir 2021 jıl. Foto: QT / Kültegin Aspanwlı

Qazaqstannıñ demokratiyalıq partiyasınıñ jetekşisi Janbolat Mamay: «Bilik halıqtı aldap otır. «Auıl şaruaşılıq jerleri Qazaqstan azamattarına satılmasın, biz soğan qarsı şığıp otırmız» dep bilik özderine wpay jinağısı keledi. Al auıl şaruaşılıq jerlerin Qazaqstan azamattarına berdi degen söz satıldı degen söz. Onı satıp alatın kimder? Latifundister, oligarhtar, Nazarbaev aynalasında jürgender. Zañnıñ qabıldanuına tübegeyli qarsımız. Qazaqtıñ jeri şeteldikterge jalğa berilmesin, satılmasın!», – dedi.

Şeru belgilengen Şoqan Uälihanov atındağı alañda arnayı jasaq ökilderi jür. Alañ mañına jedel järdem kölikteri, avtobustar qoyılğan. Ädettegidey, ğalamtor bwğattalğan. Sol sebepti aqparat qwraldarına alañnan habar tarata almadı.

Dempartiyanıñ narazılıq jiınında söz söylegen sayasatker, belgili jurnalist Rısbek Särsenbay. Almatı qalası. Ş.Uälihanov alañı. 24 säuir 2021 jıl. Foto: QT / Kültegin Aspanwlı

Atıraudağı jer dauı da mitingige şığudıñ birden-bir sebebi boldı. Birneşe kün bwrın Qazaqstan men Resey şekarasına jaqın ornalasqan Köptoğay auılında jer dauı bolıp jatqanı jaylı aqpar tarağan. Artınşa Atırau oblısınıñ Öñirlik kommunikaciyalar qızmeti 14 säuirden bastap Köptoğayda Qazaqstan men Resey şekarasında jaña şekaralıq qorşau salu jwmıstarı bastalğanın habarladı. Äkimdik mälimetinşe, bwl jwmıstar 2005 jılı Mäskeude qol qoyılğan «Qazaqstan-Resey memlekettik şekarası turalı kelisim» boyınşa jürgizilip jatır.

Zañnamada «Orman şaruaşılığına» arnalğan jerlerdi şeteldikter jalğa aladı degen norma köpşilik ızasın tudırdı. Almatı qalası. Ş.Uälihanov alañı. 24 säuir 2021 jıl. Foto: QT / Kültegin Aspanwlı

Almatıdağı şerude sağat 13.oo şamasında bwrınğı Furmanov köşesine qaray bet alğan şeruşilerdi arnayı jasaq ökilderi qorşauğa alıp, joldı twtastay jauıp tastadı. Narazılar eger jer turalı zañ qabıldansa, 15 mamırdan bastap Respublika alañına şatır tigip, aştıq jariyalamaq.

Arnayı jasaq alañnıñ oñ qaptalınan bögep narazılar jolın japtı. Almatı qalası. Ş.Uälihanov alañı. 24 säuir 2021 jıl. Foto: QT / Kültegin Aspanwlı

Osığan deyin Şımkent, Oral, astana, Zaysan audanı (ŞQO) jäne özge qalalar men eldi mekenderde belsendilerdiñ beybit miting ötkizu turalı ötinişteri qabıldanbağan. Almatı qalasınıñ sanitarlıq-epidemiologiyalıq baqılau jönindegi departamenti qazir qalanıñ koronavirus boyınşa «qızıl aymaqta» twrğanın alğa tartıp, qoğamdıq şara ötkizuge tıyım salınğanın eskertken.

Jer mäselesi boyınşa Qazaqstan sotı ekstremistik dep, al Europarlament «beybit oppoziciyalıq wyım dep tanığan «Qazaqstannıñ demokratiyalıq tañdauı» qozğalısınıñ jetekşisi, quğındağı käsipker Mwhtar Äblyazov ta halıqtı şeruge şaqırdı. Äbilyazov mitingisi 1 mamırğa belgilengen.

(aqparat tolıqtırıladı)

"The Qazaq Times"