الماتىدا شەتەلدىكتەرگە جەردى ۇزاق مەرزىمدى جالعا بەرۋگە قارسىلىق ميتينگىسى ءوتىپ جاتىر. بيلىكتىڭ توسقاۋىلىنا قاراماستان الاڭعا 200 شاقتى ادام جينالدى.
ميتينگىگە شىعۋدىڭ باستى سەبەبى – ماجىلىستە ماقۇلدانىپ، سەناتتا قارالىپ جاتقان جەر تۋرالى زاڭ جوباسىندا ورمان شارۋاشىلىعىمەن اينالىسۋ ءۇشىن شەتەلدىكتەرگە جەر بەرۋدى كوزدەيتىن باپتىڭ بولۋى.
دەمپارتيا وكىلدەرى مەن پىكىرىن بىلدىرۋگە كەلگەن ەرىكتى سپيكەرلەر كەزەكتەسىپ ءسوز سويلەدى. الماتى قالاسى. ش.ءۋاليحانوۆ الاڭى. 24 ءساۋىر 2021 جىل. فوتو: QT / كۇلتەگىن اسپانۇلى
جينالعاندار جەردى شەتەلدىكتەرگە جالعا بەرمەۋدى جانە ساتپاۋدى تالاپ ەتتى. سونىمەن قاتار قازاقستاندا 56 قىتايلىق زاۋىت سالۋعا قارسىلىق ءبىلدىردى. شەرۋدە جۇرت «جەر شەتەلدىكتەرگە ساتىلماسىن!»، «نازارباەۆ، كەت!» دەپ ۇراندادى. ميتينگتىڭ زاڭسىز ەكەنىن تۇسىندىرۋگە تىرىسقان پروكۋروردى حالىق ىعىستىرىپ تاستادى.
ميتينگ بارىسىنان. الماتى قالاسى. ش.ءۋاليحانوۆ الاڭى. 24 ءساۋىر 2021 جىل. فوتو: QT / كۇلتەگىن اسپانۇلى
قازاقستاننىڭ دەموكراتيالىق پارتياسىنىڭ جەتەكشىسى جانبولات ماماي: «بيلىك حالىقتى الداپ وتىر. «اۋىل شارۋاشىلىق جەرلەرى قازاقستان ازاماتتارىنا ساتىلماسىن، ءبىز سوعان قارسى شىعىپ وتىرمىز» دەپ بيلىك وزدەرىنە ۇپاي جيناعىسى كەلەدى. ال اۋىل شارۋاشىلىق جەرلەرىن قازاقستان ازاماتتارىنا بەردى دەگەن ءسوز ساتىلدى دەگەن ءسوز. ونى ساتىپ الاتىن كىمدەر؟ لاتيفۋنديستەر، وليگارحتار، نازارباەۆ اينالاسىندا جۇرگەندەر. زاڭنىڭ قابىلدانۋىنا تۇبەگەيلى قارسىمىز. قازاقتىڭ جەرى شەتەلدىكتەرگە جالعا بەرىلمەسىن، ساتىلماسىن!»، – دەدى.
شەرۋ بەلگىلەنگەن شوقان ءۋاليحانوۆ اتىنداعى الاڭدا ارنايى جاساق وكىلدەرى ءجۇر. الاڭ ماڭىنا جەدەل جاردەم كولىكتەرى، اۆتوبۋستار قويىلعان. ادەتتەگىدەي، عالامتور بۇعاتتالعان. سول سەبەپتى اقپارات قۇرالدارىنا الاڭنان حابار تاراتا المادى.
دەمپارتيانىڭ نارازىلىق جيىنىندا ءسوز سويلەگەن ساياساتكەر، بەلگىلى جۋرناليست رىسبەك سارسەنباي. الماتى قالاسى. ش.ءۋاليحانوۆ الاڭى. 24 ءساۋىر 2021 جىل. فوتو: QT / كۇلتەگىن اسپانۇلى
اتىراۋداعى جەر داۋى دا ميتينگىگە شىعۋدىڭ بىردەن-ءبىر سەبەبى بولدى. بىرنەشە كۇن بۇرىن قازاقستان مەن رەسەي شەكاراسىنا جاقىن ورنالاسقان كوپتوعاي اۋىلىندا جەر داۋى بولىپ جاتقانى جايلى اقپار تاراعان. ارتىنشا اتىراۋ وبلىسىنىڭ وڭىرلىك كوممۋنيكاتسيالار قىزمەتى 14 ساۋىردەن باستاپ كوپتوعايدا قازاقستان مەن رەسەي شەكاراسىندا جاڭا شەكارالىق قورشاۋ سالۋ جۇمىستارى باستالعانىن حابارلادى. اكىمدىك مالىمەتىنشە، بۇل جۇمىستار 2005 جىلى ماسكەۋدە قول قويىلعان «قازاقستان-رەسەي مەملەكەتتىك شەكاراسى تۋرالى كەلىسىم» بويىنشا جۇرگىزىلىپ جاتىر.
زاڭنامادا «ورمان شارۋاشىلىعىنا» ارنالعان جەرلەردى شەتەلدىكتەر جالعا الادى دەگەن نورما كوپشىلىك ىزاسىن تۋدىردى. الماتى قالاسى. ش.ءۋاليحانوۆ الاڭى. 24 ءساۋىر 2021 جىل. فوتو: QT / كۇلتەگىن اسپانۇلى
الماتىداعى شەرۋدە ساعات 13.وو شاماسىندا بۇرىنعى فۋرمانوۆ كوشەسىنە قاراي بەت العان شەرۋشىلەردى ارنايى جاساق وكىلدەرى قورشاۋعا الىپ، جولدى تۇتاستاي جاۋىپ تاستادى. نارازىلار ەگەر جەر تۋرالى زاڭ قابىلدانسا، 15 مامىردان باستاپ رەسپۋبليكا الاڭىنا شاتىر تىگىپ، اشتىق جاريالاماق.
ارنايى جاساق الاڭنىڭ وڭ قاپتالىنان بوگەپ نارازىلار جولىن جاپتى. الماتى قالاسى. ش.ءۋاليحانوۆ الاڭى. 24 ءساۋىر 2021 جىل. فوتو: QT / كۇلتەگىن اسپانۇلى
وسىعان دەيىن شىمكەنت، ورال، استانا، زايسان اۋدانى (شقو) جانە وزگە قالالار مەن ەلدى مەكەندەردە بەلسەندىلەردىڭ بەيبىت ميتينگ وتكىزۋ تۋرالى وتىنىشتەرى قابىلدانباعان. الماتى قالاسىنىڭ سانيتارلىق-ەپيدەميولوگيالىق باقىلاۋ جونىندەگى دەپارتامەنتى قازىر قالانىڭ كوروناۆيرۋس بويىنشا «قىزىل ايماقتا» تۇرعانىن العا تارتىپ، قوعامدىق شارا وتكىزۋگە تىيىم سالىنعانىن ەسكەرتكەن.
جەر ماسەلەسى بويىنشا قازاقستان سوتى ەكسترەميستىك دەپ، ال ەۋروپارلامەنت «بەيبىت وپپوزيتسيالىق ۇيىم دەپ تانىعان «قازاقستاننىڭ دەموكراتيالىق تاڭداۋى» قوزعالىسىنىڭ جەتەكشىسى، قۋعىنداعى كاسىپكەر مۇحتار ءابليازوۆ تا حالىقتى شەرۋگە شاقىردى. ءابىليازوۆ ميتينگىسى 1 مامىرعا بەلگىلەنگەن.
(اقپارات تولىقتىرىلادى)
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟