Körneki suret. Vladimir Putin jäne Aleksey Naval'nıy. Foto: https://today

Kreml' sınşısı Aleksey Naval'nıydıñ isin Europanıñ Adam qwqıqtarı jönindegi sotı kezekten tıs qaraydı.

Osığan baylanıstı halıqaralıq organ Resey ükimetine oppozicionerdiñ türmede qwqıqtarınıñ saqtaluı jäne oğan körsetilip jatqan medicinalıq qızmettiñ sapasına qatıstı swraqtar joldağan. Europanıñ Adam qwqıqtarı jönindegi sotı joldanğan saualğa Resey biligi 12 şildege deyin jauap berui tiis.

Aleksey Naval'nıy 31 naurızdan beri aştıq jariyalap, densaulığı naşarlağan. Keşe Pokrovadağı türmeden sottalğandarğa arnalğan oblıstıq auruhanağa auıstırıldı. Bwğan deyin Naval'nıydı emdegen därigerler onıñ qan analiziniñ qorıtındısın jariyalap, däriger Anastasiya Vasil'eva nauqastıñ jüregi toqtap qaluı mümkin dep eskertken.

Naurızdıñ soñında mıñnan astam däriger bilikke aşıq hat jazıp, sayasatkerge täuelsiz därigerdi kirgizuge şaqırğan.  Al bügin därigerler Naval'nıydıñ halin bilu üşin arnayı barğan. Biraq türme äkimşiligi olardıñ kiruine rwqsat etpegen. Mamandar oppozicionerdiñ jağdayı auır deydi.

"The Qazaq Times"