Foto: googleusercontent.com

Europalıq Parlamenttiñ jetekşi frakciyasınıñ basşısı Manfred Veber Ukrainanıñ şığısındağı jağdaydıñ uşığıp, tüzetu koloniyasında jazasın ötep jatqan Aleksey Naval'nıydıñ densaulığı naşarlağan jağdayda Reseyge qarsı sankciyalardı qatañdatudı wsındı.

Funke media-tobına swhbat bergen sayasatkerdiñ aytuınşa, Resey memleketter arasındağı arandatuşılıqtı jalğastırıp keledi. Eger Mäskeu agressiyalıq sayasatın toqtatpasa, AQŞ pen Euroodaq ekonomikalıq sankciyalardı qatañdatu kerek. Sonımen qatar, sayasatker jaña sankciyalar ayasında Resey oligarhtarınıñ qarajatı bwğattalıp, Reseydiñ SWIFT bank jüyesinen şettetilui mümkin ekenin ayttı. Bwl Resey gazın Baltıq teñizi arqılı Germaniyağa jetkizetin «Soltüstik ağıs-2» gaz qwbırınıñ qwrılısın qiındatuı ıqtimal.

Biıl aqpannıñ soñınan bastap Donbasta atıstı toqtatu turalı kelisim öreskel bwzılıp, Resey-Ukraina qaqtığısı qayta bağıt aldı. Eki jaqta da qaza tapqandar bar. Olardıñ deni sarbazdar jäne beybit twrğındar da bar. eki el arasındağı jağday Batı elderin alañdatıp otır.

Qazir Reseydiñ twraqsızdandıruşı äreketteri Ukrainanıñ şığısındağı şielenisti uşıqtıra bastağan. Naurızdıñ soñında The New York Times gazeti Mäskeudiñ Ukraina şekarasına 4000-ğa juıq äsker jibergenin jazdı. Basılımnıñ mälimetinşe, Resey 23 naurızda ayaqtalğan äskeri jattığulardan keyin Ukraina şekarasına jaqın aymaqtan äsker şığarmağandıqtan, AQŞ pen Euroodaq bwl jağdaydı qatañ baqılauğa alğan. Sebebi şekarağa äsker jiberu – memlekettiñ qauipsizdigine nwqsan keltirui mümkin. Sonımen birge, äleumettik jelilerde Resey Bryansk, Voronej jäne Rostov oblıstarına, anneksiyalanğan Qırımğa da äskeriler jiberip jatqandığı turalı habarlamalar jariyalandı.

"The Qazaq Times"