Jayau jürginşilerdi sanitarlıq erejeni saqtauğa ündeytin banner. Körneki suret. Almatı qalası, Aqpan 2021 jıl. Foto: Ahattıq radiosı / Petr Trocenko

Densaulıq saqtau ministrliginiñ resmi mälimetinşe, elde 1 säuir koronavirus jwqqan 2077  adam, al naurızdıñ 31-i küni koronavirus pnevmoniyasına şaldıqqan 77 adam tirkeldi. Qazir elde 26 mıñnan asa adam (U07.1 nemese KVI+ boyınşa 23 512, U07.2 nemese KVI- boyınşa 1583) auırıp jatır.

#U07.1 PTR testi arqılı koronavirus jwqqanı rastalğan nauqastardıñ jartısı Almatı qalası (595) men astanada (427) tirkeldi. Odan keyingi qatarda eñ köbi – Almatı oblısı (239), Qarağandı (144), Aqtöbe (127), BQO (104), Atırau (103) öñirleri jäne Şımkentte (96). Ötken täulikte aurudan ayıqqan 1034 adam üyine jiberilgen. Bwdan özge särsenbi naurızdıñ aqırğı küni jiını 12 adam qaytıs bolğan.

#U07.2 31 naurız aqparatı bir täulikke keşigip beriletin koronavirus pnevmoniyasına şaldıqqan 77 nauqas esepke alındı. Sonımen qosa, 167 adam ayığıp şıqqan, ökiniştisi 2 adam köz jwmğan.

#Jalpı  DenMin-niñ resmi mälimetinşe, emdelip jatqan 26 095  nauqastıñ 9098-i auruhanada, 17 mıñı ambulatorlıq baqılauda. Ahualı naşar 365 nauqastıñ jağdayı qiın, ondağı 90 adamnıñ häli öte auır. Bwdan özge 56 sırqat ökpeni jasandı jeldetu apparatımen tınıstap jatır.

Osılayşa äzirge virustıñ taralu qateri jağınan Qarağandı, Aqmola oblıstarı jäne  Şımkent «sarı», al Atırau, BQO, Aqtöbe, Almatı oblıstarı, Almatı qalası men astana «qızıl aymaqta» twr.

Ükimet müşeleriniñ mälimetinşe, genomdıq zertteu nätijesinde eldiñ basım böliginen virustıñ braziliyalıq, britandıq jäne oñtüstikafrikalıq ştamdarı anıqtalğan.

Elde qañtar ayınıñ ekinşi jäne aqpan ayınıñ alğaşqı jartısında nauqastar qatarı kürt köbeygen. Aqpan ayınıñ ekinşi jartısında birşama kemigen edi, dese de naurızda qayta arttı. Qazir täuligine 1,5 mıñnan köp sırqat jäne 15 şaqtı ölim jağdayı tirkelip jatır.

Bıltır 13 naurızdan beri COVID-19 infekciyasın jwqtırğandar qatarı 249 mıñğa juıqtasa, 1 tamızdan bılayğı koronavirus pnevmoniyası 50,5 mıñnan asqan. DDSW derekqorı men Wlttıq statistikada Qazaqstanda auırğandar sanı 299,6 mıñğa jetken. Degenmen Ükimet koronavirus pen onıñ pnevmoniyasın eki bölek esepteydi.

Pandemiya bastalğalı jalpı virus jwqqandardıñ 5383-i (KVI+ / U07.1 – 3042, KVI- / U07.2 – 694, ilespe aurulardan – 1619) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingenderdi jalpı statistikağa engizbeydi. Bwğan qarsı sarapşılardıñ sözine qarağanda, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan. Eskerer jayt, ministrlik 2020 jılı KVI- statistikasın esepke almas bwrın jıldağıdan üş esege ösken pnevmoniyanıñ 256 mıñ jağdayınan (bıltırğı qañtar-şilde aralığındağı) koronavirustıq türin anıqtap-zertteuden bas tartqan. Mamandar osı keysterdi ob'ektivti türde zerdelegende şınayı esep qazirgiden äldeqayda köp bolar edi dep esepteydi. Demek joğarıdağı san da naqtı bolmauı mümkin.

Qazaqstan virus taraluı boyınşa älemde Worldometers derekqorı, Djons Hopkins universiteti jäne DDSW tizimindegi 221 el men aymaqtıñ arasında 49-orında twr.

Ükimettiñ säuir ayınıñ basındağı deregine qarağanda, Qazaqstanda 137 mıñ adam koronavirusqa qarsı reseylik «Sputnik V» vakcinasınıñ alğaşqı dozasın alğan.

"The Qazaq Times"