Tilinen tapqan deputat Ibraimovtan köp balalı äyelder sözine jauap beruin talap etip äkimdikke barğan säti. 22 aqpan 2021 jıl. Foto: Azattıq radiosınıñ fotosı negizinde kollaj

Bir top köpbalalı äyel mäslihat deputatı Ermahan Irbaimovtı izdep Almatı äkimdigine bardı. Olar eks-sportşı, büginde şeneunikke aynalğan Ibraimovtıñ «köp balalı äyelder turalı aytqanın» tüsindirudi talap etti.

Köpbalalı äyelderdi aşındırğan da, äkimdikke baruına mäjbürlegen de – Ermahan Ibraimovtıñ jariya pikirinde. Ol jurnalist Nartay Aralbaywlına 20 aqpanda Youtube-te bergen swhbatında aldıñğı jılğı aqpan-toqpanda, biıl Jañatas kentinde örtten qaza tapqan bes balanıñ ata-anasın «körgensiz» dep sökken.

Osı uaqıtqa deyin azamattıq qoğamnıñ belsendiligine aşıq narazılıq tanıtıp atı şıqqan Ibraimov 2019 jılı astana irgesindegi eldi mekende ata-anası jwmısqa ketip, bes birdey perzenti qayğılı oqiğadan qaytıs boluına baylanıstı pikir bildirgen.

«Bes balanı sırtının jauıp ketip qalu, ol nağız… Aytadı ğoy, tük körmegendik», – degen.

;feature=share&fbclid=IwAR2rvbulOO4PS7ivBOCmXlartK9Q5fFmlTK0k6K1qiU4u_2Ghov2XVRjQAs

Äkimdikke barğan analardıñ biri:

«Jılı kabinette otıra bermey, «tük körmegenderdiñ» jağdayın közimen körsin. Mwnday jağdaydan şığu üşin ne isteu kerek ekenin öz auızımen aytsın. Balalardı üyge qamap, ne üşin şığıp jürgenimizdi körsin. 60-70 mıñ teñge jalaqı tabuğa jağdayı joqtıqtan şığıp jürgenin körsin», – deydi İñkär Janädilqızı.

Analar Ibraimovtı halıqpen kezdesuge şaqırdı. Bastapqıda äkimdikten eşkim şıqqan joq. Sälden keyin Almatı mäslihatınıñ hatşısı Stanislav Kankurov şığıp, analardıñ arız-şağımın tıñdadı. «Ibraimovpen tüsten keyin kezdesuge bolatının» ayttı. Azamattıq qoğam belsendileri men qwqıq qorğauşılar tarapınan «basbwzar-deputat» atanıp ketken Ibraimov bügin tüste Abılay han jäne Abay dañğıldarınıñ qiılısında ornalasqan Nwr Otan partiyasınıñ ğimaratında kezdesu ötkizetini habarlandı.

Ötken jwmada qoğam qabırğasına batqan bes balanıñ baqwldığı  Jambıl oblısında tağı qaytalandı. Jañatas qalasında bir otbasınıñ bes birdey balası ört saldarınan qaytıs bolğan. Äkimdik mälimetinşe, qayğılı oqiğa bolğan küni balalardıñ äkesi jwmısta bolğan, al anası dükenge şığıp ketken. Toqaev bwl oqiğanı «el basına tüsken tragediya» dep atağan.

"The Qazaq Times"