تىلىنەن تاپقان دەپۋتات يبرايموۆتان كوپ بالالى ايەلدەر سوزىنە جاۋاپ بەرۋىن تالاپ ەتىپ اكىمدىككە بارعان ءساتى. 22 اقپان 2021 جىل. فوتو: ازاتتىق راديوسىنىڭ فوتوسى نەگىزىندە كوللاج

ءبىر توپ كوپبالالى ايەل ءماسليحات دەپۋتاتى ەرماحان يربايموۆتى ىزدەپ الماتى اكىمدىگىنە باردى. ولار ەكس-سپورتشى، بۇگىندە شەنەۋنىككە اينالعان يبرايموۆتىڭ «كوپ بالالى ايەلدەر تۋرالى ايتقانىن» ءتۇسىندىرۋدى تالاپ ەتتى.

كوپبالالى ايەلدەردى اشىندىرعان دا، اكىمدىككە بارۋىنا ماجبۇرلەگەن دە – ەرماحان يبرايموۆتىڭ جاريا پىكىرىندە. ول جۋرناليست نارتاي ارالبايۇلىنا 20 اقپاندا Youtube-تە بەرگەن سۇحباتىندا الدىڭعى جىلعى اقپان-توقپاندا، بيىل جاڭاتاس كەنتىندە ورتتەن قازا تاپقان بەس بالانىڭ اتا-اناسىن «كورگەنسىز» دەپ سوككەن.

وسى ۋاقىتقا دەيىن ازاماتتىق قوعامنىڭ بەلسەندىلىگىنە اشىق نارازىلىق تانىتىپ اتى شىققان يبرايموۆ 2019 جىلى استانا ىرگەسىندەگى ەلدى مەكەندە اتا-اناسى جۇمىسقا كەتىپ، بەس بىردەي پەرزەنتى قايعىلى وقيعادان قايتىس بولۋىنا بايلانىستى پىكىر بىلدىرگەن.

«بەس بالانى سىرتىنىن جاۋىپ كەتىپ قالۋ، ول ناعىز… ايتادى عوي، تۇك كورمەگەندىك»، – دەگەن.

;feature=share&fbclid=IwAR2rvbulOO4PS7ivBOCmXlartK9Q5fFmlTK0k6K1qiU4u_2Ghov2XVRjQAs

اكىمدىككە بارعان انالاردىڭ ءبىرى:

«جىلى كابينەتتە وتىرا بەرمەي، «تۇك كورمەگەندەردىڭ» جاعدايىن كوزىمەن كورسىن. مۇنداي جاعدايدان شىعۋ ءۇشىن نە ىستەۋ كەرەك ەكەنىن ءوز اۋىزىمەن ايتسىن. بالالاردى ۇيگە قاماپ، نە ءۇشىن شىعىپ جۇرگەنىمىزدى كورسىن. 60-70 مىڭ تەڭگە جالاقى تابۋعا جاعدايى جوقتىقتان شىعىپ جۇرگەنىن كورسىن»، – دەيدى ىڭكار جانادىلقىزى.

انالار يبرايموۆتى حالىقپەن كەزدەسۋگە شاقىردى. باستاپقىدا اكىمدىكتەن ەشكىم شىققان جوق. سالدەن كەيىن الماتى ءماسليحاتىنىڭ حاتشىسى ستانيسلاۆ كانكۋروۆ شىعىپ، انالاردىڭ ارىز-شاعىمىن تىڭدادى. «يبرايموۆپەن تۇستەن كەيىن كەزدەسۋگە بولاتىنىن» ايتتى. ازاماتتىق قوعام بەلسەندىلەرى مەن قۇقىق قورعاۋشىلار تاراپىنان «باسبۇزار-دەپۋتات» اتانىپ كەتكەن يبرايموۆ بۇگىن تۇستە ابىلاي حان جانە اباي داڭعىلدارىنىڭ قيىلىسىندا ورنالاسقان نۇر وتان پارتياسىنىڭ عيماراتىندا كەزدەسۋ وتكىزەتىنى حابارلاندى.

وتكەن جۇمادا قوعام قابىرعاسىنا باتقان بەس بالانىڭ باقۇلدىعى  جامبىل وبلىسىندا تاعى قايتالاندى. جاڭاتاس قالاسىندا ءبىر وتباسىنىڭ بەس بىردەي بالاسى ءورت سالدارىنان قايتىس بولعان. اكىمدىك مالىمەتىنشە، قايعىلى وقيعا بولعان كۇنى بالالاردىڭ اكەسى جۇمىستا بولعان، ال اناسى دۇكەنگە شىعىپ كەتكەن. توقاەۆ بۇل وقيعانى «ەل باسىنا تۇسكەن تراگەديا» دەپ اتاعان.

"The Qazaq Times"