Foto: CDN

M'yanmada narazılıq şeruleriniñ jalğasuına baylanıstı äskeriler eldiñ iri qalalarına tankter kirgizdi. The Guardian mälimetinşe, el aumağında ğalamtor öşirilgen.

Qazir M'yanmada äskerilerdiñ bilikti basıp aluına qarsı beybit akciyalar ötkizilip jatır. YAngon qalasındağı ortalıq bank qızmetkerleri äskerilerge qarsı azamattıq bağınbau qozğalısına qosılğan.

1 aqpanda M'yanma äskerileri elde töñkeris jasap, biliktegi Aung San Su Çji men birneşe sayasatkerdi üyqamaqqa alğan. Äskeriler bıltır qaraşada ötken parlament saylauınıñ nätijesimen kelispegen edi. Bıltırğı saylauda Aung San Su Çji basqaratın Demokratiyaşılardıñ wlttıq ligası partiyası jeñimpaz dep tanılğan. Äskeriler saylau ädil ötpedi dep sanaydı. Töñkeris jasağandar elde bir jıl tötenşe jağday jariyalap, bilik äsker basşısı Min Aung Hlaynnıñ qolına ötti. Äskeri töñkeriske qarsı şıqqandardıñ arasında mwğalimder, zañgerler, bank qızmetkerleri jäne memlekettik qızmetkerler, därigerler bar.

2017 jılğa deyin M'yanmanıñ Rakhayn ştatında bir million rohindja mwsılmandarı ömir sürgen. Biraq halqınıñ basım böligi budda dinin wstanatın M'yanma olardı zañsız immigranttar dep, azamattıq beruden bas tartqan. Rohindjalar wzaq jıldar boyı qısım körip kele jatqandarına birneşe ret şağımdanğan.

2017 jılı rohindja äskerileri Rakhayn ştatında birneşe şabuıl wyımdastırğan. Sol jılı M'yanmanıñ Rakhayn ştatında äskeriler islam dinin wstanatın mıñdağan rohindjanı öltirgen. Aymaqtan 700 mıñnan astam rohindja M'yanmamen körşiles jatqan Bangladeşke qaşqan. El biligi Rakhayndağı äskerilerdiñ äreketin «el täuelsizdigine qauip töndiretin ekstremistermen küres» dep atadı. M'yanmanıñ bwl äreketi beybitşilik salası boyınşa Nobel' sıylığın alğan Aun San Su Çjidiñ de bedeline nwqsan keltirdi.

"The Qazaq Times"