Almatı qalasınıñ bas sanitar därigeri Jandarbek Bekşin. Foto: QR AjQDM

Almatı qalasınıñ bas sanitar därigeri Jandarbek Bekşin beysenbidegi brifingte qañtar ayınıñ  ayağına qaray koronavirustıñ keñinen taraluına baylanıstı qalada epidemiologiyalıq jağday naşarlaydı degen boljamın bölisti.

Bekşin wsınğan mälimetke qarağanda, indettiñ ekinşi tolqını bastalğan bıltırğı qazan ayınan beri qalada koronavirus jwqtırğandar sanı 14 ese ösken.

– Qırküykte infekciya jwqqan 165 nauqas anıqtaldı, qazanda – 360, qaraşada – 1399, jeltoqsanda 2256 adamğa jetti. Qañtardıñ alğaşqı jeti küni 700-den asa adam tirkeldi. Qañtarğa jasalğan boljam boyınşa, aydıñ ayağına deyin 4500-ge jetui mümkin, – dedi qalanıñ bas sanitar-därigeri.

Onıñ mälimdeuinşe, «sarı aymaqta» engen qaladağı nauqastardıñ 44%-ı qoğamdıq orındarda, 28%-ı otbasında jwqtırğan. Sonday-aq, ötken eki aptada virus jwqtırğanı anıqtalğandardıñ 35% – 20-39 jas, tağı 33% – 40 pen 59 jas aralığındağı adamdar.

Baspasöz jiınına qatısqan Qoğamdıq densaulıq basqarmasınıñ bastığı Nariman Tabınbaevtıñ dereginşe, qazirgi tañda täuligine orta eseppen 50 şaqtı nauqas auruhanağa jatqızılıp jatır. Jalpı emdeu bölimderinde 1261, reanimaciyada 110  tösek-orın bar, tağı 5145 orın rezervke dayındalğan körinedi.

Der kezinde qamdana almağan qalada «mausım-şilde qırğınında» 72 mobil'di brigada jwmıs istese, bügin qatarı 298-ge jetkizilipti.

Bıltır 16 jeltoqsanda «Centre for Clinical Medicine and Research» JŞS, «№4 qalalıq emhana» jäne «MIPO»jeke ortalığı arasında konsorcium qwrılğan. Nätijesinde  otandıq QAZCOV-IN vakcinasın İİİ faza deñgeyinde, yağni klinikalıq sınaqtan ötkizuge ötinim bergen 1,5 mıñ eresek adamnıñ 909-ı ekpe alğan.

Almatı qalasında koronavirus jwqtırğandar 19 mıñnan jäne osığan wqsas pnevmoniyağa şaldıqqandar 5 mıñnan astı.

"The Qazaq Times"