Almatı qalası Sanitarlıq-epidemiologiyalıq baqılau departamentiniñ basşısı Jandarbek Bekşin. Foto: OKQ

Almatı qalasınıñ bas sanitar därigeri Jandarbek Bekşin beysenbide ÖKQ-da ötken brifingte «qalada epidahual naşarlap jatır, indettiñ kezekti tolqını tamız ayında şarıqtau şegine jetedi» dep mälimdedi. Onıñ aytuınşa, ötken aptada aldıñğı aptamen salıstırğanda qalada auruşañdıq 1,4 esege ösken.

– 23 şildeden bastap qalada künine anıqtalatın nauqastar mıñnan asa bastadı. Ötken täulikte 1450 nauqas tirkeldi. Şildede barlığı 20 812 nauqas anıqtaldı. Boljam boyınşa, koronavirus indetiniñ kezekti tolqını şarıqtau şegine tamızda jetedi. Eñ joğarı körsetkiş 10-12 tamızda tirkeledi. Osığan oray profilaktikalıq jwmıstar jürgizip jatırmız, – dedi Bekşin.

Ol indettiñ örşuin koronavirustıñ «del'ta» ştamınıñ jıldam tarauımen baylanıstırdı. Bas sanitar därigerdiñ boljamınşa, indet qırküyek ayında bäseñdeui mümkin.

«Törtinşi tolqın tamız ayınıñ ortasında qırküyek ayınıñ basında tömendeui mümkin. Tamız ayında 34,5 mıñ, qırküyekte 4,5 mıñ adam sırqattanuı ıqtimal.7 kün işinde «simptomdı» nauqastardıñ üles salmağı 89,4-ten 90,7%-ğa deyin arttı», – dedi ol auruşañdıq üdegenin eskertip.

Bas sanitar qazir koronavirustıñ «törtinşi tolqını» jürip jatqanın aytadı. Alğaşqı tolqın bıltır «mausım-şilde qırğınında» şarıqtau şegine jetken edi. Keyinnen qazan men biıl qañtar aylarınıñ aralığında indettiñ ekinşi tolqını bolıp, bwl kezde eñ joğarı körsetkiş qañtarda tirkelgen. Al koronavirustıñ üşinşi tolqını britandıq ştamınıñ taraluımen bastalğan. Bwl kezde säuir ayında aptasına şamamen 20 mıñ nauqasqa deyin anıqtaldı. Mausımda «del'tağa» baylanıstı indet qayta qayta küşeyip, törtinşi tolqınğa wlastı.

Ötken 7 künde virus jwqtıru ıqtimaldığı sauda nısandarında – 35%, otbasılıq baylanısta – 19%, qoğamdıq kölikte – 16%, bazarlarda – 14%, sayabaq pen köşelerde – 3,6%-dı körsetken.

Qoğamdıq densaulıq basqarmasınıñ mälimetinşe, qazirgi kezde infekciyalıq stacionarlarda 4148 adam emdelude, onıñ 215-i bala. Reanimaciya bölimşelerinde 281 sırqat tösek tartıp jatır. Ondağı 27 nauqas ÖJJ apparatımen, 121-i invazivti emes, 98-i High flow qwrılğısımen tınıstauda.

Jandarbek Bekşinniñ habarlauınşa, erteñ jwma küni tamız aynıñ alğaşqı jartısına arnalğan qaulı jariyalanıp, qalada karantin küşeymek. 29 şildedegi jağday boyınşa, Almatı twrğındarınıñ 35,2%-ı ekpeniñ birinşi komponentin, 24,2% ekinşi komponentin alğan. Epidemiolgtıñ aytuınşa, jalpı almatılıqtardıñ wjımdıq immuniteti 34%-ğa jetken.

“The Qazaq Times”