Prompeonı Gruziya ükimet jetekşileri qwşaq jayıp qarsı aldı. Foto: VOA.

Türkiyadağı saparın ayaqtağan AQŞ memlekettik hatşısı Maykl Pompeo keşe tünde Gruziya ortalığı Tbilisige jetti. AQŞ Memlekettik departamentiniñ habarında Pompoe Gruziya ükimet jetekşilerimen kezdesude eldiñ aumaqtıq twtastığın qoldaytının aytqan.

Pompeonıñ Gruziya saparı eki apta bwrın ötken parlament saylauına baylanıstı oppoziciya men bilik arasındağı qayşılıqtıñ asqınğan twsında boldı.  Bwl saylau sonday-aq, osı bir şağın ğana Kavkazdıq eldiñ Mäskeu men batıstıq odaqtastarı arasındağı eldik sayasi tañdau retinde qaraluda.

Pompeo Gruziyanıñ prem'er-ministri, prezidenti jäne SİM basşısımen kezdesken. AQŞ Memlekettik departamenti Pompeo saparı turalı mälimetinde, Qwrama Ştat tarabı Gruziyanıñ Europa elderimen ıntımaqtastıqtı tereñdetuine qoldau körsetetinin aytqan. «Amerika Qwrama Ştattarı Gruziyanıñ halıqaralıq deñgeyde moyındalğan şekaraları şeginde egemendigi men aumaqtıq twtastığın qoldaydı jäne Reseydiñ 2008 jılı Gruziya aumağın basıp alğanın ayıptaydı», – delingen habarlamada.

Sapar josparına baylanıstı Pompeo Türkiyanıñ ortalıq qalasına barğan joq, tek Stambulda birqatar mañızdı kezdesulerden keyin Gruziyağa jol tartqan.  Sonday-aq, Pompeonıñ Stambulğa qısqa saparı köptegen diplomatiyalıq mäselelerge baylanıstı AQŞ pen Türkiya arasındağı kelispeuşiliktermen säykes keldi. 20-dan astam jergilikti twrğın beybit narazılıq akciyasın ötkizdi. Pompeo Stambulda Rüstem Paşa meşitine barğan, ol qısqa saparı barısında Türkiya men onıñ aynalasındağı dini mäselelerdi talqıladı jäne Qwrama Ştattardıñ dini bostandıqtı qoldaytının basa körsetti.

Pompeo Türkiya prezidenti Rejep Tayıp Erdoğanmen aldağı NATO jiınında kezdesetinin Memlekettik departament habarlağan. Özderiñizge mälim, Türkiyanıñ reseylik zımıranğa qarsı jüyelerin satıp alğanına baylanıstı AQŞ pen NATO-nıñ alañdatıp otır. Aldağı NATO jiınında bwnımen qosa Taulı Qarabaq mäselesi qaraladı dep kütilude.

“The Qazaq Times”