پرومپەونى گرۋزيا ۇكىمەت جەتەكشىلەرى قۇشاق جايىپ قارسى الدى. فوتو: VOA.

تۇركياداعى ساپارىن اياقتاعان اقش مەملەكەتتىك حاتشىسى مايكل پومپەو كەشە تۇندە گرۋزيا ورتالىعى تبيليسيگە جەتتى. اقش مەملەكەتتىك دەپارتامەنتىنىڭ حابارىندا پومپوە گرۋزيا ۇكىمەت جەتەكشىلەرىمەن كەزدەسۋدە ەلدىڭ اۋماقتىق تۇتاستىعىن قولدايتىنىن ايتقان.

پومپەونىڭ گرۋزيا ساپارى ەكى اپتا بۇرىن وتكەن پارلامەنت سايلاۋىنا بايلانىستى وپپوزيتسيا مەن بيلىك اراسىنداعى قايشىلىقتىڭ اسقىنعان تۇسىندا بولدى.  بۇل سايلاۋ سونداي-اق، وسى ءبىر شاعىن عانا كاۆكازدىق ەلدىڭ ماسكەۋ مەن باتىستىق وداقتاستارى اراسىنداعى ەلدىك ساياسي تاڭداۋ رەتىندە قارالۋدا.

پومپەو گرۋزيانىڭ پرەمەر-ءمينيسترى، پرەزيدەنتى جانە ءسىم باسشىسىمەن كەزدەسكەن. اقش مەملەكەتتىك دەپارتامەنتى پومپەو ساپارى تۋرالى مالىمەتىندە، قۇراما شتات تارابى گرۋزيانىڭ ەۋروپا ەلدەرىمەن ىنتىماقتاستىقتى تەرەڭدەتۋىنە قولداۋ كورسەتەتىنىن ايتقان. «امەريكا قۇراما شتاتتارى گرۋزيانىڭ حالىقارالىق دەڭگەيدە مويىندالعان شەكارالارى شەگىندە ەگەمەندىگى مەن اۋماقتىق تۇتاستىعىن قولدايدى جانە رەسەيدىڭ 2008 جىلى گرۋزيا اۋماعىن باسىپ العانىن ايىپتايدى»، – دەلىنگەن حابارلامادا.

ساپار جوسپارىنا بايلانىستى پومپەو تۇركيانىڭ ورتالىق قالاسىنا بارعان جوق، تەك ستامبۋلدا بىرقاتار ماڭىزدى كەزدەسۋلەردەن كەيىن گرۋزياعا جول تارتقان.  سونداي-اق، پومپەونىڭ ستامبۋلعا قىسقا ساپارى كوپتەگەن ديپلوماتيالىق ماسەلەلەرگە بايلانىستى اقش پەن تۇركيا اراسىنداعى كەلىسپەۋشىلىكتەرمەن سايكەس كەلدى. 20-دان استام جەرگىلىكتى تۇرعىن بەيبىت نارازىلىق اكتسياسىن وتكىزدى. پومپەو ستامبۋلدا رۇستەم پاشا مەشىتىنە بارعان، ول قىسقا ساپارى بارىسىندا تۇركيا مەن ونىڭ اينالاسىنداعى ءدىني ماسەلەلەردى تالقىلادى جانە قۇراما شتاتتاردىڭ ءدىني بوستاندىقتى قولدايتىنىن باسا كورسەتتى.

پومپەو تۇركيا پرەزيدەنتى رەجەپ تايىپ ەردوعانمەن الداعى ناتو جيىنىندا كەزدەسەتىنىن مەملەكەتتىك دەپارتامەنت حابارلاعان. وزدەرىڭىزگە ءمالىم، تۇركيانىڭ رەسەيلىك زىمىرانعا قارسى جۇيەلەرىن ساتىپ العانىنا بايلانىستى اقش پەن ناتو-نىڭ الاڭداتىپ وتىر. الداعى ناتو جيىنىندا بۇنىمەن قوسا تاۋلى قاراباق ماسەلەسى قارالادى دەپ كۇتىلۋدە.

“The Qazaq Times”