OSK-nıñ resmi tañbası. Foto: www.dalainform.kz

Mäjilis jäne mäslihat saylauına 11,8 mln azamat dauıs bere aladı. Saylauda uaqıtşa tirkeui bar-joğına qaramastan barlıq qazaqstandıqtıñ qatısuına mümkindigi bar, eger... Bügin Ortalıq saylau komissiyası deputattardı saylau nauqanına saylauşılar tizimin wyımdastıru turalı partiya ökilderi men ärtürli memlekettik mekemeler birge jiın ötkizdi.

Jeke twlğalar turalı memlekettik derekter qorı (JTMDQ – QT) negizinde endi aumaqtıq saylau komissiyaları saylauşılar tizimin tüzedi. Onı jergilikti atqaruşı organdarımen pısıqtamaq.

«2020 jılğı 1 qazandağı jağday boyınşa saylauşılar tizimine 11 mln 820 mıñ 318 azamat engizildi. JTMDQ arqılı tizimdeu bwrınğışa «köşe men aula aralamauğa» mümkindik berip, bir adamnıñ birneşe öñirde tizimdeluiniñ ne eş jerde tirkeusiz qalıp qoyuınıñ aldın aladı», –  deydi OrtSaylauKom törağasınıñ orınbasarı Konstantin Petrov.

Jaña tärtip boyınşa, uaqıtşa tirkelgen azamattar saylauşılar tizimine jergilikti atqaruşı organdarğa ötiniş berip qana engiziledi. 10 jeltoqsanğa deyin tirkeu bolmağan jağdayda azamattar dauıs beruge arnalğan uçaskeni tañdau turalı jergilikti atqaruşı mekemege ötiniş jasauğa qwqılı. YAğni saylauşı saylaudan 30 kün bwrın, jeltoqsannıñ 10-ına deyin jauaptı organğa barıp, ötiniş jaza aladı. Bwl – tüzde jürgen jannıñ dauıs bere alatın jalğız amalı. Eger 10 jeltoqsanğa deyin saylau küni bolatın öñirge tirkelip ülgermese, onda azamat dauıs bere almaydı. Sondıqtan 558 uçaske qwrılğan.

Jäne jiında aytılğan erejeniñ biri – 20 jeltoqsanğa deyin är äkim öz aumağındağı saylauşılardıñ tizimin uçaskelik saylau komissiyasına ötkizui tiis. Bwl tizimde bar-joğın bilu üşin 26 jeltoqsannan bastap tanısuğa boladı. Eger siz turalı mälimette qanday da bir qate ketse, sol jerde şağımdanıp, tüzetuge boladı. Biraq dauıs byulleten'derin sanau bastalğannan keyin saylauşılar tizimine özgertuge tıyım salınadı.

Qazaqstan şetelderdegi ökildikteri janınan älemniñ 51 elinde sırtta jürgen ne twratın jäne wzaq merzimdi issapardağı memlekettik jaramdı pasportı bar barlıq azamattarğa arnap 66 saylau uçaskesi qwrıldı.

Wzaq jıldardan beri ekinşi märte Qazaqstanda mäjilis jäne mäslihattar deputattarın saylau zañda közdelgen uaqıtta, 2021 jılı 10 qañtarda ötu josparlanğan. Basqa bes saylau öz merziminen tıs uaqıtta ötken. Degenmen «Estuşi memleket» twjırımdamasın bağdar twtqan bilik bwl jolı deputtardıñ kandidatın emes, tolıqtay partiyalıq tizim boyınşa saylamaq. Bwl byulleten'de deputattıñ atı-jöni emes, partiyanıñ atauı boladı degen söz. Bwğan täuelsiz sayasattanuşılar men azamattıq qoğam saylauşıları, qwqıq qorğauşılar birauızdan qarsı ekendigin aytadı.

Qazaqstandağı saylauşılardıñ boljaldı sanı. Foto: OrtSaylauKom mälimeti

"The Qazaq Times"