وسك-نىڭ رەسمي تاڭباسى. فوتو: www.dalainform.kz

مءاجىلىس جانە ءماسليحات سايلاۋىنا 11,8 ملن ازامات داۋىس بەرە الادى. سايلاۋدا ۋاقىتشا تىركەۋى بار-جوعىنا قاراماستان بارلىق قازاقستاندىقتىڭ قاتىسۋىنا مۇمكىندىگى بار، ەگەر... بۇگىن ورتالىق سايلاۋ كوميسسياسى دەپۋتاتتاردى سايلاۋ ناۋقانىنا سايلاۋشىلار ءتىزىمىن ۇيىمداستىرۋ تۋرالى پارتيا وكىلدەرى مەن ءارتۇرلى مەملەكەتتىك مەكەمەلەر بىرگە جيىن وتكىزدى.

جەكە تۇلعالار تۋرالى مەملەكەتتىك دەرەكتەر قورى (جتمدق – QT) نەگىزىندە ەندى اۋماقتىق سايلاۋ كوميسسيالارى سايلاۋشىلار ءتىزىمىن تۇزەدى. ونى جەرگىلىكتى اتقارۋشى ورگاندارىمەن پىسىقتاماق.

«2020 جىلعى 1 قازانداعى جاعداي بويىنشا سايلاۋشىلار تىزىمىنە 11 ملن 820 مىڭ 318 ازامات ەنگىزىلدى. جتمدق ارقىلى تىزىمدەۋ بۇرىنعىشا «كوشە مەن اۋلا ارالاماۋعا» مۇمكىندىك بەرىپ، ءبىر ادامنىڭ بىرنەشە وڭىردە تىزىمدەلۋىنىڭ نە ەش جەردە تىركەۋسىز قالىپ قويۋىنىڭ الدىن الادى»، –  دەيدى ورتسايلاۋكوم توراعاسىنىڭ ورىنباسارى كونستانتين پەتروۆ.

جاڭا ءتارتىپ بويىنشا، ۋاقىتشا تىركەلگەن ازاماتتار سايلاۋشىلار تىزىمىنە جەرگىلىكتى اتقارۋشى ورگاندارعا ءوتىنىش بەرىپ قانا ەنگىزىلەدى. 10 جەلتوقسانعا دەيىن تىركەۋ بولماعان جاعدايدا ازاماتتار داۋىس بەرۋگە ارنالعان ۋچاسكەنى تاڭداۋ تۋرالى جەرگىلىكتى اتقارۋشى مەكەمەگە ءوتىنىش جاساۋعا قۇقىلى. ياعني سايلاۋشى سايلاۋدان 30 كۇن بۇرىن، جەلتوقساننىڭ 10-ىنا دەيىن جاۋاپتى ورگانعا بارىپ، ءوتىنىش جازا الادى. بۇل – تۇزدە جۇرگەن جاننىڭ داۋىس بەرە الاتىن جالعىز امالى. ەگەر 10 جەلتوقسانعا دەيىن سايلاۋ كۇنى بولاتىن وڭىرگە تىركەلىپ ۇلگەرمەسە، وندا ازامات داۋىس بەرە المايدى. سوندىقتان 558 ۋچاسكە قۇرىلعان.

جانە جيىندا ايتىلعان ەرەجەنىڭ ءبىرى – 20 جەلتوقسانعا دەيىن ءار اكىم ءوز اۋماعىنداعى سايلاۋشىلاردىڭ ءتىزىمىن ۋچاسكەلىك سايلاۋ كوميسسياسىنا وتكىزۋى ءتيىس. بۇل تىزىمدە بار-جوعىن ءبىلۋ ءۇشىن 26 جەلتوقساننان باستاپ تانىسۋعا بولادى. ەگەر ءسىز تۋرالى مالىمەتتە قانداي دا ءبىر قاتە كەتسە، سول جەردە شاعىمدانىپ، تۇزەتۋگە بولادى. بىراق داۋىس بيۋللەتەندەرىن ساناۋ باستالعاننان كەيىن سايلاۋشىلار تىزىمىنە وزگەرتۋگە تىيىم سالىنادى.

قازاقستان شەتەلدەردەگى وكىلدىكتەرى جانىنان الەمنىڭ 51 ەلىندە سىرتتا جۇرگەن نە تۇراتىن جانە ۇزاق مەرزىمدى ىسساپارداعى مەملەكەتتىك جارامدى پاسپورتى بار بارلىق ازاماتتارعا ارناپ 66 سايلاۋ ۋچاسكەسى قۇرىلدى.

ۇزاق جىلداردان بەرى ەكىنشى مارتە قازاقستاندا ءماجىلىس جانە ءماسليحاتتار دەپۋتاتتارىن سايلاۋ زاڭدا كوزدەلگەن ۋاقىتتا، 2021 جىلى 10 قاڭتاردا ءوتۋ جوسپارلانعان. باسقا بەس سايلاۋ ءوز مەرزىمىنەن تىس ۋاقىتتا وتكەن. دەگەنمەن «ەستۋشى مەملەكەت» تۇجىرىمداماسىن باعدار تۇتقان بيلىك بۇل جولى دەپۋتتاردىڭ كانديداتىن ەمەس، تولىقتاي پارتيالىق ءتىزىم بويىنشا سايلاماق. بۇل بيۋللەتەندە دەپۋتاتتىڭ اتى-ءجونى ەمەس، پارتيانىڭ اتاۋى بولادى دەگەن ءسوز. بۇعان تاۋەلسىز ساياساتتانۋشىلار مەن ازاماتتىق قوعام سايلاۋشىلارى، قۇقىق قورعاۋشىلار ءبىراۋىزدان قارسى ەكەندىگىن ايتادى.

قازاقستانداعى سايلاۋشىلاردىڭ بولجالدى سانى. فوتو: ورتسايلاۋكوم مالىمەتى

"The Qazaq Times"