Körneki suret. Foto: KP.UA

QT redakciyası 2,5 mıñnan astam sud'yanıñ jalaqısınıñ kölemi jäne jauapqa tartılğan sot törağaları turalı swraqqa jauap aldı.  

Qazaqstannıñ Joğarğı sotınıñ sud'yaları men ökilderi bügin Ortalıq Kommunikaciyalar qızmetinde arnayı onlayn-brifing ötti.

Qazaqstan Joğarğı sotınıñ baspasöz hatşısı Aydos Saduaqasovtiñ mälimetinşe, memlekette barlığı 2684 sud'yağa arnalğan ştat bar. Onda 2,4 mıñ sud'ya qızmet etedi. 14%-ı äzirge vakansiya retinde bos. Ortaşa eseppen alğanda audandıq sud'yalar 400-500 mıñ, oblıstıq deñgeyde 600-700 mıñ, al joğarğı sot sud'yaları 800 mıñ teñge töñireginde jalaqı aladı. Bwl tikeley sud'yanıñ eñbek ötili men biliktiligine baylanıstı. Sonday-aq, Almatı qalasınıñ sotı sud'yalardıñ äleumettik jağdayın jaqsartu boyınşa Ükimetke wsınısın bildirgen.

2015 j. 43, 2016 j. 38,  2017 j. 68 adamğa, 2019 j.al bıltır 72, biıl alğaşqı altı ayda 30 sud'yağa  tärtiptik şara qoldanılğan. Sot töreligin asıruda qatelikterge jol bergeni jäne qoğamdıq-etikalıq normalardı bwzğanı üşin 2018 j. 28 sud'yağa (jartısı sottalğan)  qılmıstıq is qozğalğan ne jwmıstan bosatılğan.

Elde oqtın-oqtın sot jüyesiniñ qızmetine köñili tolmaytın jäne sottıñ ädiletsiz ükimine wşıradıq degen narazı azamattar qarsılıq şaraların wyımdastırıp twradı. Ayta keteyik, bügin astanada prezident Toqaevtıñ qatısuımen Qazaqstan sud'yalarınıñ VIII s'ezi ötti.

“The Qazaq Times”