كورنەكى سۋرەت. فوتو: KP.UA

QT رەداكتسياسى 2,5 مىڭنان استام سۋديانىڭ جالاقىسىنىڭ كولەمى جانە جاۋاپقا تارتىلعان سوت توراعالارى تۋرالى سۇراققا جاۋاپ الدى.  

قازاقستاننىڭ جوعارعى سوتىنىڭ سۋديالارى مەن وكىلدەرى بۇگىن ورتالىق كوممۋنيكاتسيالار قىزمەتىندە ارنايى ونلاين-بريفينگ ءوتتى.

قازاقستان جوعارعى سوتىنىڭ ءباسپاسوز حاتشىسى ايدوس سادۋاقاسوۆتىڭ مالىمەتىنشە، مەملەكەتتە بارلىعى 2684 سۋدياعا ارنالعان شتات بار. وندا 2,4 مىڭ سۋديا قىزمەت ەتەدى. 14%-ى ازىرگە ۆاكانسيا رەتىندە بوس. ورتاشا ەسەپپەن العاندا اۋداندىق سۋديالار 400-500 مىڭ، وبلىستىق دەڭگەيدە 600-700 مىڭ، ال جوعارعى سوت سۋديالارى 800 مىڭ تەڭگە توڭىرەگىندە جالاقى الادى. بۇل تىكەلەي سۋديانىڭ ەڭبەك ءوتىلى مەن بىلىكتىلىگىنە بايلانىستى. سونداي-اق، الماتى قالاسىنىڭ سوتى سۋديالاردىڭ الەۋمەتتىك جاعدايىن جاقسارتۋ بويىنشا ۇكىمەتكە ۇسىنىسىن بىلدىرگەن.

2015 ج. 43, 2016 ج. 38,  2017 ج. 68 ادامعا، 2019 ج.ال بىلتىر 72, بيىل العاشقى التى ايدا 30 سۋدياعا  تارتىپتىك شارا قولدانىلعان. سوت تورەلىگىن اسىرۋدا قاتەلىكتەرگە جول بەرگەنى جانە قوعامدىق-ەتيكالىق نورمالاردى بۇزعانى ءۇشىن 2018 ج. 28 سۋدياعا (جارتىسى سوتتالعان)  قىلمىستىق ءىس قوزعالعان نە جۇمىستان بوساتىلعان.

ەلدە وقتىن-وقتىن سوت جۇيەسىنىڭ قىزمەتىنە كوڭىلى تولمايتىن جانە سوتتىڭ ادىلەتسىز ۇكىمىنە ۇشىرادىق دەگەن نارازى ازاماتتار قارسىلىق شارالارىن ۇيىمداستىرىپ تۇرادى. ايتا كەتەيىك، بۇگىن استانادا پرەزيدەنت توقاەۆتىڭ قاتىسۋىمەن قازاقستان سۋديالارىنىڭ VIII سەزى ءوتتى.

“The Qazaq Times”