ŞQO mektepterinde koronavirus jwqtırğan oquşılar anıqtaldı

ŞQO aumağına qaraytın Şemonaiha, Altay jäne Kökpekti audandarındağı mektepke barıp oqitın balalardan virus anıqtaldı.

Jaña oqu jılı bastalğalı beri ŞQO-da oquşılardıñ arasında 4 auru jağdayı tirkeldi. Kökpekti audanındağı mektep 14 künge karantinge jabıldı. Koronavirus tabılğan oşaq retinde oqu procesi qaşıqtan oqu rejimine köşti.

Şemonaiha audanındağı mekteptiñ 4-sınıp, Kökpekti audanındağı 11-sınıp jäne Altay audanındağı 2-sınıp oquşısınan COVID-19 infekciyası anıqtalğandıqtan, bilim mekemelerinde epidemiyağa qarsı sanitarlıq şaralar qolğa alınğan.

DenMin mälimetine säykes, qazirgi tañda Qazaqstanda 36 öskinşek koronavirustan auırıp jatır. Köktemgi jäne «mausım-şildedegi qırğınnan» keyin Ükimet äzirge 2020-2021 oqu jılınıñ alğaşqı toqsanın qaşıqtan-onlayn oqıtuğa şeşim qabıldağan. Degenmen kezekşi sınıptar men şağın jinaqtı mektepterdegi 800 mıñday oquşı, äsirese bastauış sınıp oquşıları kündelikti qatınap oqıp jatır. Elimizde jalpı 3,4 mln oquşı bar, onıñ 2,6 mln-ı üyden, yağni qaşıqtan bilim aluda.

"The Qazaq Times"