Foto: @navalny/ Instagram

Kreml' sınşısı Aleksey Naval'nıy düysenbi küni Reseyde ötken ayda komağa tüskende kigen kiimin qaytaruın talap etip, Mäskeudi onıñ isindegi mañızdı dälelderdi jasırıp otır dep ayıptadı.

Berlinniñ aytuınşa, Germaniya, Franciya jäne Şveciyadağı sınaqtar Naval'nıydıñ «Noviçok» uımen ulanğanın anıqtalğannan keyin Batıs elderi Reseyden tüsinikteme berudi talap etken bolatın.

Alayda Mäskeu tarabı bwl iske qatısı joq ekenin mälimdedi.

Naval'nıy öziniñ saytında: «Olar meni Germaniyağa jibermes bwrın, olar meniñ barlıq kiimderimdi şeşip, meni müldem jalañaş jiberdi. Meniñ denemnen Noviçok uı tabılğanın jäne baylanıs arqılı jwqtırğanın eskersek, meniñ kiimim öte mañızdı dälel», - dedi ol.

Men kiimimdi polietilen paketke mwqiyat salıp, mağan qaytarudı talap etemin dedi. Aleksey Naval'nıy

Naval'nıy komandasınıñ müşesi Ivan Jdanovtıñ aytuınşa, Resey policiyası tergeu aldı jwmıstarı ayasında Naval'nıydıñ baspasöz hatşısı men komandanıñ basqa müşelerin jauap aluğa şaqırğan.

Resey policiyası tergeu äli jürip jatqanın jäne olar 200 adamnan jauap alğanın jäne jalğastı tekserudi josparlap otırğanın ayttı.

"The Qazaq Times"