ناۆالنىي ماسكەۋدەن ماڭىزدى دالەلدەردى تالاپ ەتتى

كرەمل سىنشىسى الەكسەي ناۆالنىي دۇيسەنبى كۇنى رەسەيدە وتكەن ايدا كوماعا تۇسكەندە كيگەن كيىمىن قايتارۋىن تالاپ ەتىپ، ماسكەۋدى ونىڭ ىسىندەگى ماڭىزدى دالەلدەردى جاسىرىپ وتىر دەپ ايىپتادى.

بەرليننىڭ ايتۋىنشا، گەرمانيا، فرانتسيا جانە شۆەتسياداعى سىناقتار ناۆالنىيدىڭ «نوۆيچوك» ۋىمەن ۋلانعانىن انىقتالعاننان كەيىن باتىس ەلدەرى رەسەيدەن تۇسىنىكتەمە بەرۋدى تالاپ ەتكەن بولاتىن.

الايدا ماسكەۋ تارابى بۇل ىسكە قاتىسى جوق ەكەنىن مالىمدەدى.

ناۆالنىي ءوزىنىڭ سايتىندا: «ولار مەنى گەرمانياعا جىبەرمەس بۇرىن، ولار مەنىڭ بارلىق كيىمدەرىمدى شەشىپ، مەنى مۇلدەم جالاڭاش جىبەردى. مەنىڭ دەنەمنەن نوۆيچوك ۋى تابىلعانىن جانە بايلانىس ارقىلى جۇقتىرعانىن ەسكەرسەك، مەنىڭ كيىمىم وتە ماڭىزدى دالەل»، - دەدى ول.

مەن كيىمىمدى پوليەتيلەن پاكەتكە مۇقيات سالىپ، ماعان قايتارۋدى تالاپ ەتەمىن دەدى. الەكسەي ناۆالنىي

ناۆالنىي كومانداسىنىڭ مۇشەسى يۆان جدانوۆتىڭ ايتۋىنشا، رەسەي پوليتسياسى تەرگەۋ الدى جۇمىستارى اياسىندا ناۆالنىيدىڭ ءباسپاسوز حاتشىسى مەن كوماندانىڭ باسقا مۇشەلەرىن جاۋاپ الۋعا شاقىرعان.

رەسەي پوليتسياسى تەرگەۋ ءالى ءجۇرىپ جاتقانىن جانە ولار 200 ادامنان جاۋاپ العانىن جانە جالعاستى تەكسەرۋدى جوسپارلاپ وتىرعانىن ايتتى.

"The Qazaq Times"