Körneki suret. Foto: Il'ya Pitalev / RIA Novosti

Eñbek jäne halıqtı äleumettik qorğau ministrligi bügin pandemiya kezinde koronavirus pen onıñ pnevmoniya türin jwqtırğan 1 727 medicina qızmetkerine jäne qaytıs bolğan 24 kadrdıñ tuıstarına memleket tarapınan ötemaqı tölengenin habarladı.

Memlekettik äleumettik saqtandıru qorınan bir aptada (14-21 qırküyek) 240 medqızmetkerge 2 mln, al qızmet barısında auırıp-qaytqan 4 adamnıñ tuıstarına 10 mln teñgeden birjolğı äleumettik tölemdi berilgen.

Ötemaqı töleu turalı şeşimdi öñirler men üş megapolisterdiñ densaulıq saqtau basqarmaları janındağı arnayı komissiya qabıldaydı. Al ötinimderdi jinaqtaudı QR Densaulıq saqtau ministrligi jüzege asıradı. Mamandar ötinim tirkeu jäne räsimdeu mehanizminiñ jetilmegenin, jekelegen ister bayau qaralatının aytadı.

COVID-19 virusın jwqtırğan jäne onıñ asqınğan türi pnevmoniyağa şaldığıp, tölem alğan medqızmetkerlerdiñ aymaqtardağı sanı:
astanada – 393,
Almatı qalasında – 373,
Şımkent qalasında – 102,
Qarağandı oblısında – 115,
Aqmola oblısı – 107 maman.

Pandemiya bastalğalı beri Qazaqstanda mıñdağan medqızmetker virus jwqtırıp, ondağanı ömirden ötken. Biraq bilik olardıñ bärine birdey ötemaqı bermeydi. Qızmetten tıs kezde jwqtırğandardı swrıptap töleydi. Sarapşılar talğau-tekseru tetigi ötemaqını azaytudıñ amalına aynaldı dep sanaydı.

"The Qazaq Times"