Foto: cdn

Donal'd Tramp qıtaylıq Alibaba kompaniyasınıñ AQŞ aumağındağı jwmısına tıyım saluı mümkin. Bwl turalı ol baspasöz maslihatında habarladı.

Jurnalisterdiñ biri «TikTok» äleumettik jelisin ielenuşi «Bayt Dans» birlestigine qarsı şaradan keyin Qıtaydıñ özge kompaniyalarına osınday şaralar qoldanıluı mümkin be dep swrağan edi. Aq üy basşısı mwnı joqqa şığarmaytının jäne qazir bilik türli şeşimder qarastırıp jatqanın jetkizdi.

Alibaba birlestigi – älemdegi eñ iri elektrondıq kommerciya men cifrlıq tölem kompaniyasınıñ biri. Osı aydıñ basında Tramp äkimşiligi Qıtaydıñ iri tehnologiyalıq birlestikterine qarsı birqatar şekteu şarasın wsınğan bolatın.

Birneşe ay bwrın AQŞ Federaldı Barlau agenttigi (FBA) jas öspirmderdiñ ömirin qorğau maqsatında tanımal «TikTok» qosımşasına qatıstı tergeu jwmıstarın bastağan. AQŞ ükimeti «TikTok» kompaniyasın jas öspirmder qauipsizdigi turalı 2019 jılğı kelisimdi orındamadı dep ayıptap otır.

7 şildede prezident Tramp Gray TV arnasına bergen swhbatında «TikTok» jelisine şekteu qoyu mäselesi qarastırılıp jaqanın aytqan. Bwl turalı AQŞ memlekettik hatşısı M. Pompeo de rastağan edi. «Bwl mäsele boyınşa jwmıs alıp barıp jatqanımızğa wzaq uaqıt boldı» degen Pompeo.

"The Qazaq Times"