AQŞ prezidenti Tramp TikTok qosımşasın qoldanuğa tıyım salınuı mümkin jäne basqa da şekteu şaraları qoldanıladı degen. Amerikalıq BAQ Tramp äkimşiligi jaqın arada TikTok kompaniyasına amerikanlıq biznesin satudı bwyıruı mümkin dep habarladı.

31 şilde Tramp Aq üyden Floridağa keter aldında jurnalisterge Beyjiñ ByteDance Ltd kompaniyası ielik etetin TikTok video qosımşasınıñ bağdarlamalıq jüyesindegi ayırmaşılıqtardı qarastırıp jatqandığın ayttı. Sonmen qatar TikTok-tı qoldanuğa tıyım salu da qarastırıluda.

Tramp: «Biz TikTok turalı mäseleni qarastırıp jatırmız. TikTok-qa tıyım saluımız mümkin jäne basqa da şaralar qoldanumız mümkin» – dedi. Ol sözin jalğastırıp: «Qazirgi uaqıtta birneşe nwsqa bar. Biraq köptegen oqiğalar orın aluda, sondıqtan ne bolatının köremiz» –dedi.

Mäselemen tanıs adam Tramp jwma küni Beyjiñde ornalasqan ByteDance-qa TikTok-tıñ akciyaların AQŞ-qa satu turalı şeşim şığaratının ayttı. Osığan säykes Bloomberg agenttigi Tramp äkimşiligi Beyjiñ ByteDance kompaniyasına TikTok-tıñ AQŞ-tağı menşigin satudı bwyıruı mümkin dep mälimdedi.

New York Times jäne The Washington Post basılımdarı Microsoft korporaciyası Amerika Qwrama Ştattarındağı TikTok-tı satıp alu turalı kelissözder jürgizip jatqanın habarladı.

"The Qazaq Times"