اقش پرەزيدەنتى ترامپ TikTok قوسىمشاسىن قولدانۋعا تىيىم سالىنۋى مۇمكىن جانە باسقا دا شەكتەۋ شارالارى قولدانىلادى دەگەن. امەريكالىق باق ترامپ اكىمشىلىگى جاقىن ارادا TikTok كومپانياسىنا امەريكانلىق بيزنەسىن ساتۋدى بۇيىرۋى مۇمكىن دەپ حابارلادى.

31 شىلدە ترامپ اق ۇيدەن فلوريداعا كەتەر الدىندا جۋرناليستەرگە بەيجىڭ ByteDance Ltd كومپانياسى يەلىك ەتەتىن TikTok ۆيدەو قوسىمشاسىنىڭ باعدارلامالىق جۇيەسىندەگى ايىرماشىلىقتاردى قاراستىرىپ جاتقاندىعىن ايتتى. سونمەن قاتار TikTok-تى قولدانۋعا تىيىم سالۋ دا قاراستىرىلۋدا.

ترامپ: «ءبىز TikTok تۋرالى ماسەلەنى قاراستىرىپ جاتىرمىز. TikTok-قا تىيىم سالۋىمىز مۇمكىن جانە باسقا دا شارالار قولدانۋمىز مۇمكىن» – دەدى. ول ءسوزىن جالعاستىرىپ: «قازىرگى ۋاقىتتا بىرنەشە نۇسقا بار. بىراق كوپتەگەن وقيعالار ورىن الۋدا، سوندىقتان نە بولاتىنىن كورەمىز» –دەدى.

ماسەلەمەن تانىس ادام ترامپ جۇما كۇنى بەيجىڭدە ورنالاسقان ByteDance-قا TikTok-تىڭ اكتسيالارىن اقش-قا ساتۋ تۋرالى شەشىم شىعاراتىنىن ايتتى. وسىعان سايكەس Bloomberg اگەنتتىگى ترامپ اكىمشىلىگى بەيجىڭ ByteDance كومپانياسىنا TikTok-تىڭ اقش-تاعى مەنشىگىن ساتۋدى بۇيىرۋى مۇمكىن دەپ مالىمدەدى.

New York Times جانە The Washington Post باسىلىمدارى Microsoft كورپوراتسياسى امەريكا قۇراما شتاتتارىنداعى TikTok-تى ساتىپ الۋ تۋرالى كەلىسسوزدەر جۇرگىزىپ جاتقانىن حابارلادى.

"The Qazaq Times"