(iStockphoto/Newscom) IT15-googl-050316-iStock Facebook and Google logos

Qıtay ükimetiniñ Gonkong twrğındarınıñ erkindigin şektegen Wlttıq qauipsizdik turalı zañdı qabıldauına qarsı Facebook jäne Google kompaniyaları öz jauaptarın qaytaruda. Bir kün bwrın atalğan kompaniyalar Gonkong ükimeti paydalanğan paraqşalar men izdeu jüyesiniñ mümkindikterin toqtatqanın mälimdedi.

Facebook kompaniyası mälimdemesinde Beyjiñ tarabınıñ wlttıq qauipsizdik turalı zañı alañdauşılıq tudıratının, soğan baylanıstı Gonkongtıñ qwqıq qorğau organdarına izdeu jüyesindegi mümkindikter men jeke paraqşalardı uaqıtşa bwğattağanı aytılğan. (Facebook kompaniyası ieliginde tanımal WhatsApp jäne Instagram äleumettik qosımşaları da bar ekenin esergen jön).

Sonımen qatar "Gugl" men "Tvitter" de ötken aptada Wlttıq qauipsizdik turalı zañ qabıldana salısımen Gonkong polceyleriniñ izdeu jüyesin paydalanuına birden şekteu kirgizgen. Äsirese, Tvitter kompaniyasınıñ atalmış zañğa degen narazılığı küşti.

Amerikalıq kompaniyalardıñ bwl äreketine qarsı Beyjiñ de öz jauabın berui mümkin. Bwğan deyin Gonkongta Facebook, Twitter jäne WhatsApp siyaqtı qosımşalar erkin jwmıs istep keledi jäne Qıtaydıñ işinde de VPN qosımşası arqılı paydalanılıp keldi. Aldağı uaqıtta Qıtay ükimeti bwl äleumettik jelilerdi tolıq şek eui de mümkin.

Gonkong twrğındarı osığan deyin jariyalanğan äleumettik jelilerdegi demokratiyalıq narazılıqtar men jaña zañdarğa qatıstı jazbalardı izdestirip jatsa, al keybir twrğındar seziktenip qatıstı jazbaların paraqşalarınan öşirip jatqandarı da bolğan. Sebebi osığan deyin Qıtayda bilikke qarsı jazbaları üşin jauapqa tartılğandar öte köp. Jaña zañğa say bwnday qudalaular endi Gonkongta boluınan alañdaydı.

"The Qazaq Times"