Almatıdağı iri OSSO-nıñ biri. Foto: hommes.kz

Koronavirus qaupinen elde jariyalanğan tötenşe jağday kezinde halıqtıñ ömir qauipsizdigin saqtau maqsatında Sauda jäne integraciya ministrligi iri oyın-sauıq jäne sauda-sattıq orındarınıñ jwmıs kestesi jöninde mälimdeme jasadı.

«Birinşiden, iri sauda nısandarı tañğı sağat 10-nan keşki 18:00 deyin ğana jwmıs istegeni jön. Osı aralıqta sanitarlıq qauipsizdik talaptarı qatañ saqtaluı tiis. Sauda ortalığınıñ aumağındağı kinoteatr, balalar ortalığı, kez kelgen oyın-sauıq alañdarı jabıladı. Azıq-tülik dükenderi, supermarketter jäne azıq-tülik bazarları qalıptı rejimde jwmıs istey beredi. Tek sanitarlıq dezinfekciyalıq şaralar küşeytiledi. Nan jäne konditer önimderin tısı oralğan küyinde satqan dwrıs. Ekinşiden, azıq-tülik satpaytın bazarlar tañğı 11:00-den keşki 17:00-ge deyin ğana jwmıs isteydi», – delingen vedomstvo habarlamasında.

Qazaqstanda birinşi ret respublika kölemindegi tötenşe jağday habarlandı. Soñğı derek boyınşa, elde koronavirus tabılğan 9 nauqas tirkeldi.

"The Qazaq Times"