Алматыдағы ірі ОССО-ның бірі. Фото: hommes.kz

Коронавирус қаупінен елде жарияланған төтенше жағдай кезінде халықтың өмір қауіпсіздігін сақтау мақсатында Сауда және интеграция министрлігі ірі ойын-сауық және сауда-саттық орындарының жұмыс кестесі жөнінде мәлімдеме жасады.

«Біріншіден, ірі сауда нысандары таңғы сағат 10-нан кешкі 18:00 дейін ғана жұмыс істегені жөн. Осы аралықта санитарлық қауіпсіздік талаптары қатаң сақталуы тиіс. Сауда орталығының аумағындағы кинотеатр, балалар орталығы, кез келген ойын-сауық алаңдары жабылады. Азық-түлік дүкендері, супермаркеттер және азық-түлік базарлары қалыпты режимде жұмыс істей береді. Тек санитарлық дезинфекциялық шаралар күшейтіледі. Нан және кондитер өнімдерін тысы оралған күйінде сатқан дұрыс. Екіншіден, азық-түлік сатпайтын базарлар таңғы 11:00-ден кешкі 17:00-ге дейін ғана жұмыс істейді», – делінген ведомство хабарламасында.

Қазақстанда бірінші рет республика көлеміндегі төтенше жағдай хабарланды. Соңғы дерек бойынша, елде коронавирус табылған 9 науқас тіркелді.

"The Qazaq Times"