COVID-19 koronavirusınıñ taralu qaupi arttı. Soñğı derekter boyınşa, virus 89 memlekette tirkelgen.

Älem boyınşa 101321 adamnan virus deregi anıqtalsa, 3485 adam qaytıs bolğan. Virus jwqtıru qaupi joğarı birinşi sanattağı elder qatarında Qıtay (80651), Oñtüstik Koreya (6593), Italiya (4636), Iran (4747), Franciya (577), Japoniya (348) twr. Germaniyada koronavirustı jwqtırğandardıñ sanı soñğı bir täulikte 109-ğa artıp, 534-ke jetken.

Qazirgi uaqıtta koronavirustıñ tarauı sebepti köptegen halıqaralıq şaralar keyinge şegerildi. Mäselen, Italiyanıñ işki birinşiligi – A seriyasınıñ 26 kezeñiniñ barlıq oyındarı körermendersiz ötetin boldı. Soñğı uaqıtta 2020 jılğı Europa çempionatı ötpey qaluı mümkin degen boljamdar aytılıp jatır. UEFA ökilderi oyındardı qabıldaytın elderdiñ nwsqaularına say äreket etemiz degendi aytadı. 12 naurızda Grekiyanıñ Olimpiya qalasında bastalıp, 26 naurızda Japoniya aumağında ayaqtalu josparlanğan olimpiada josparına da özgerister engizilui mümkin.

"The Qazaq Times"