COVID-19 كوروناۆيرۋسىنىڭ تارالۋ قاۋپى ارتتى. سوڭعى دەرەكتەر بويىنشا، ۆيرۋس 89 مەملەكەتتە تىركەلگەن.

الەم بويىنشا 101321 ادامنان ۆيرۋس دەرەگى انىقتالسا، 3485 ادام قايتىس بولعان. ۆيرۋس جۇقتىرۋ قاۋپى جوعارى ءبىرىنشى ساناتتاعى ەلدەر قاتارىندا قىتاي (80651), وڭتۇستىك كورەيا (6593), يتاليا (4636), يران (4747), فرانتسيا (577), جاپونيا (348) تۇر. گەرمانيادا كوروناۆيرۋستى جۇقتىرعانداردىڭ سانى سوڭعى ءبىر تاۋلىكتە 109-عا ارتىپ، 534-كە جەتكەن.

قازىرگى ۋاقىتتا كوروناۆيرۋستىڭ تاراۋى سەبەپتى كوپتەگەن حالىقارالىق شارالار كەيىنگە شەگەرىلدى. ماسەلەن، يتاليانىڭ ىشكى بىرىنشىلىگى – ا سەرياسىنىڭ 26 كەزەڭىنىڭ بارلىق ويىندارى كورەرمەندەرسىز وتەتىن بولدى. سوڭعى ۋاقىتتا 2020 جىلعى ەۋروپا چەمپيوناتى وتپەي قالۋى مۇمكىن دەگەن بولجامدار ايتىلىپ جاتىر. ۋەفا وكىلدەرى ويىنداردى قابىلدايتىن ەلدەردىڭ نۇسقاۋلارىنا ساي ارەكەت ەتەمىز دەگەندى ايتادى. 12 ناۋرىزدا گرەكيانىڭ وليمپيا قالاسىندا باستالىپ، 26 ناۋرىزدا جاپونيا اۋماعىندا اياقتالۋ جوسپارلانعان وليمپيادا جوسپارىنا دا وزگەرىستەر ەنگىزىلۋى مۇمكىن.

"The Qazaq Times"