Foto: Azattıq radiosı

Bügin bir top belsendi koronavirus indetiniñ örşuine baylanıstı Almatı qalası äkimdigine jinaldı. Olar prezident Qasım-Jomart Toqaevqa birneşe talaptı qamtitın hat joldadı. Belsendilerdi qala äkiminiñ orınbasarı Erjan Babaqwmar qabıldadı. Alayda jiınğa aqparat qwraldarı qatıstırılğan joq.

Qoğam belsendisi Baltaş Twrsımbaydıñ sözinşe, BAQ ökilderin jiınğa kirgizbeu dwrıs emes. Sebebi koronaviruske qarsı şaralardan zalıq qwlağdar boluı tiis.

Prezidentke wsınılğan hatta:
- Qazaqstan-Qıtay şekarasın jabu, Qıtaydan tauar tasımaldamau;
- Koronavirus derekteri anıqtalğan memlekettermen äue qatınasın toqtatu;
- Almatıda karantinde jatqan 111 qıtay azamatın öz elderine qaytarıp, olardıñ ornına Qazaqstan azamattarın ornalastıru;
- Därihanalardağı maska tapşılığın joyu;
- BAQ arqılı halıqtı aqparattandıru jäne memleketten bölingen qarjınıñ jwmsaluın qatañ qadağalaudı talap etken.

Almatı äkimi Baqıtjan Sağıntaevtan jauap kütemiz degen bastamaşıl top ökili Rısbek Särsenbay belsendiler osı talap-arızdıñ orındaluın qadağalau maqsatında 13 naurızda äkimdik aldına qayta jinalatının ayttı.

Bügin Densaulıq saqtau ministrligi Qazaqstanda şamamen mıñğa juıq adamnıñ karantinde jatqanın habarladı. Koronavirus tabılğan elderden kelgen 8 mıñnan astam adam därigerler baqılauında. Bwğan deyin «Qazaqstan temir jol» wlttıq kompaniyasınıñ basqarma törağası Sauat Mıñbaev koronavirusqa qaramastan Qazaqstan Qıtaymen jük tasımalın toqtatpaytının habarladı.

Ayta keteyik, oşağı Qıtaydıñ Hubey provinciyasınan bastalğan COVID-19 virusı 81 memleketke tarap ülgergen. Soñğı derekter boyınşa, älemde 98512 adam virus jwqtırsa, 3385 adam ölim qwşqan.

"The Qazaq Times"