Körneki suret. Inga Imanbay (2012 jıl). Foto: https://gdb.rferl.org

Bügin Almatınıñ «Astana» alañında «Demokratiyalıq partiya» qwrudı közdeytin bastamaşıl top ökilderiniñ bir böligin polciya wstağan. Qazir alañdağı tilşilerimiz belsendi Janbolat Mamaydıñ äyeli, jurnalist Inga Imanbaydıñ bosatılğanın habarladı.

Tañerteñ alañğa bağıt alğan 70 şaqtı belsendiniñ wstalğanı mälim boldı. Olar «Janbolat Mamayğa bostandıq!» dep wrandattı. Alañdağı «Äliya-Mänşük» eskertkişi aldına jinalğan top ökilderi bilikti sınğa alğan bolatın. Sayasatker Tölegen Jükeev: «Bilik partiyanı tirketpeu üşin bar amaldı jasap otır, mwnıñ barlığı Nwrswltan Nazarbaevtıñ tapsırmasımen jasalıp jatır. Toqaevta bilik joq, halıqtı köşege şığarmau arqılı bilik rejimniñ ömirin sozğısı keledi», – dedi.

22 aqpanğa qarağan tüni bastamaşıl top jetekşisi Janbolat Mamaydı äkimşilik sot «rwqsat etilmegen mitingige şaqırdı» degen ayıppen üş täulikke qamadı.

Demokratiyalıq partiya qwruşılar bügin, yağni 22 aqpanda partiyanıñ alğaşqı s'ezd ötkizudi josparlağan. Alayda, öñirlerdegi partiya müşeleriniñ, belsendileriniñ wstalıp jatqanın alğa tartıp, s'ezd ötkizuden bas tarttı jäne onıñ ornına beybit şeru ötkizetinderin jariyalağan.

"The Qazaq Times"