Demokratiyalıq partiyanı wyımdastıruşı bastamaşıl top ökilderi Janbolat Mamay men Nwrbol Bayterekovtı policiya wstadı.

Äzirge qwzırlı organdar olardıñ ne sebepti wstalğanı jöninde resmi aqparat taratqan joq. Beyresmi aqparat boyınşa, Janbolat Mamay men Nwrbol Bayterekov Qarasay audandıq işki ister basqarmasına jetkizilgen.

Sağat 15.00 şamasında Almatı qalasınıñ ortalıq köşeleriniñ birinde Dempartiya qwrudı közdeytin bastamaşıl toptıñ belsendi müşesi Janbol Rahmatullanı qwqıq qorğau organınıñ eki ökili küş körsetip, wstamaq boldı. Keşikisin sağat 18:07 kezinde policiya qorğauşı topqa aylasın asırıp, aqırı belsendini wstap äketken.

19 aqpanda «Qazaqstannıñ demokratiyalıq partiyasın» qwrğısı keletin bastamaşıl top ökilderi Almatıda jiın ötkizgen. Toptıñ är aymaqtağı müşeleri bilik tarapınan qısımğa wşırap jatqanın aytqan dempartiya jetekşisi Janbolat Mamay 22 aqpanğa josparlanğan qwrıltay s'ezdiñ ötpeytinin, onıñ ornına top belsendileri mitingige şığatının habarlağan bolatın.

"The Qazaq Times"