دەموكراتيالىق پارتيانى ۇيىمداستىرۋشى باستاماشىل توپ وكىلدەرى جانبولات ماماي مەن نۇربول بايتەرەكوۆتى پوليتسيا ۇستادى.

ازىرگە قۇزىرلى ورگاندار ولاردىڭ نە سەبەپتى ۇستالعانى جونىندە رەسمي اقپارات تاراتقان جوق. بەيرەسمي اقپارات بويىنشا، جانبولات ماماي مەن نۇربول بايتەرەكوۆ قاراساي اۋداندىق ىشكى ىستەر باسقارماسىنا جەتكىزىلگەن.

ساعات 15.00 شاماسىندا الماتى قالاسىنىڭ ورتالىق كوشەلەرىنىڭ بىرىندە دەمپارتيا قۇرۋدى كوزدەيتىن باستاماشىل توپتىڭ بەلسەندى مۇشەسى جانبول راحماتۋللانى قۇقىق قورعاۋ ورگانىنىڭ ەكى وكىلى كۇش كورسەتىپ، ۇستاماق بولدى. كەشىكىسىن ساعات 18:07 كەزىندە پوليتسيا قورعاۋشى توپقا ايلاسىن اسىرىپ، اقىرى بەلسەندىنى ۇستاپ اكەتكەن.

19 اقپاندا «قازاقستاننىڭ دەموكراتيالىق پارتياسىن» قۇرعىسى كەلەتىن باستاماشىل توپ وكىلدەرى الماتىدا جيىن وتكىزگەن. توپتىڭ ءار ايماقتاعى مۇشەلەرى بيلىك تاراپىنان قىسىمعا ۇشىراپ جاتقانىن ايتقان دەمپارتيا جەتەكشىسى جانبولات ماماي 22 اقپانعا جوسپارلانعان قۇرىلتاي سەزدىڭ وتپەيتىنىن، ونىڭ ورنىنا توپ بەلسەندىلەرى ميتينگىگە شىعاتىنىن حابارلاعان بولاتىن.

"The Qazaq Times"