Beyjiñdegi kölik keptelisi. Foto: TKSQ.

Batıs elderinde üylenu toyları mülde qarapayım ötedi. Amerikalıqtar men özge de Batıs elderi üşin, Qıtayda neke köptegen tiimdilikti äkeletindey körinedi. Aytalıq dostar men tuıstardıñ wsınğan toylıqtarı, qız jaqtıñ beretin jasauı, küyeu jaqtıñ jaña üy satıp aluı t.b. Biraq Beyjiñ qalasında nekeniñ özge bir igiligi bar. Ol – avtokölik nomerine qol jetkizu. 

Qazirgi kezde Qıtayda avtokölik satıp ala alatın neşe jüz milliondağan adam bar. Biraq ülken qalalarda avtokölikti tirketu men nomerin alu asa qiın. Sebebi, Qıtaydıñ iri qalalarında avtokölikter sanı qalıptan tıs köbeyip ketken. Qıtay astanasında ömir süretin köptegen adamdar üşin neke –   avtoköliktiñ lyuks nomerine qol jetkizudey baqıtına ie etetuşi sanaladı. Sebebi, Beyjiñdegi avtoköliktiñ sanınıñ şekten tıs artıp ketuinen ükimet kölik nomerin aludı qiındatqan. Alayda, zañdı nekege twrğan erli-zayıptılar bir-birine avtokölik nomerin ötkermelep beruine boladı degen ereje bar.

Beyjiñ qalasında avtokölik nomerin jılına altı-aq ret taratadı. Är rettegi nomer sanı şekti. Milliondağan avtokölik nomerin alğısı keletinder üşin bwl oray tım azdıq etedi. Soñğı ret aqpan ayında bir ret nomer taratıldı. Oğan qatısqan nomer aluşılardıñ sanına eseptegende, är adamnıñ avtokölik nomerine qol jetkizu ıqtimaldığı ne barı 0,1269% bolğan.  Osınıñ özinen-aq Beyjiñ qalasında avtokölik nomerine qol jetkizudiñ qanşalıqtı qiındığın biluge boladı.

Üş jıl boyı avtoköligine nomer ala almağan, Beyjiñde twratın şınjañdıq Li esimdi azamat, özi qoldanatın äleumettik jeli paraqşasına: «Üş jıldan beri kezek kütip kölik nomerin ala almadım. Eger nekege twru arqılı kölik nomerin ötkermelep beretin äyel bolsa, aqısın töler edim», – dep aşıq jazıptı. Onıñ sözinen aşınu men keyistik te añğarıladı. Qazir Qıtay astanasında kölik satıp alu üşin nekege twruşılar barğan sayıp köbeyip keledi. Bwl avtokölik satıp aluşılar arasında qalıptı qwbılısqa aynaldı.

“The Qazaq Times”