Bügin «Qazaqstannıñ demokratiyalıq partiyasın» qwrğısı keletin bastamaşıl top ökilderi Almatıda jiın ötkizdi. Toptıñ är aymaqtağı müşeleri bilik tarapınan qısımğa wşırap jatqanın aytqan dempartiya jetekşisi Janbolat Mamay 22 aqpanğa josparlanğan qwrıltay s'ezdiñ ötpeytinin, onıñ ornına top belsendileri mitingige şığatının habarladı.

Jappay quğın-sürgin bolıp jatqan twsta qanday da bir s'ezd ötkizudiñ qisınsız ekenin aytqan Janbolat Mamay: «Demokratiyalıq partiyanıñ» jaqtastarı, müşeleri mına bastamaşıl top ökilderine jasalıp jatqan qısımğa qarsı jäne sayasi twtqındardı bosatudı talap etip, Qazaqstanğa şınayı sayasi reformalardıñ jürgiziluin talap etemiz. Küni keşe ğana bolğan Qordaydağı janjaldıñ ädil tekseriluin talap etip, 22 aqpanda «eski alañğa» mitingige şığuğa şeşim qabıldadıq. Biz «demokratiyalıq partiyanıñ» s'ezin ötkizbeymiz», — dedi.

Ötken aptada Janbolat Mamaydıñ är aymaqtan bastamaşıl topqa kirgen azamattar habarlasıp, jergilikti bilik pen policiyanıñ üylerine barıp, özderin «tergegenin» aytıp şağımdandı degen bolatın. Qwrıltayğa jol tartqan Oral, Qostanay, Tarazdağı top müşelerin policiya toqtatıp, tergeuge alğan. Almatı qalası Alatau audanı Aqbwlaq şağın audanında twratının aytqan Abzal Dostiyarov 15 qañtarda özi üyde joqta äkimdiktiñ işki sayasat böliminen eki qızmetker kelip, «öziniñ bastamaşıl toptağı äreketi» jaylı swrap ketken.

Ayta keteyik, Qazaqstanda partiya qwru üşin aldımen mıñ adam qatısatın s'ezd ötkizu mindetti. 2019 jılı 26 jeltoqsanda Nwr-Swltanda 1122 adamnan twratın «Qazaqstannıñ demokratiyalıq partiyasınıñ» bastamaşıl tobın tirkegen. Keyinnen dempartiya jetekşisi Janbolat Mamay 22 aqpanda s'ezd ötetinin habarlağan.

Qazirgi kezde Qazaqstanda resmi tirkelgen altı partiya bar. Parlamentte üş partiyanıñ ökilderi otır: bwrınğı prezident Nwrswltan Nazarbaev basqaratın «Nwr Otan» partiyası, bilikşil «Aq jol» jäne «Kommunistik halıqtıq partiyası».

"The Qazaq Times"