Germaniya kanclri Angela Merkel' jäne Qazaqstan prezidenti Qasım-Jomart Toqaev. Foto: https://img.tsargrad.tv

Qazaqstan prezidenti Qasım-Jomart Toqaev Germaniyanıñ Myunhen qalasında ötetin Qauipsizdik jönindegi forumğa qatısadı.

Jahandıq iri forum sanalatın Qauipsizdik jönindegi Myunhen konferenciyasında älem mäseleleri talqılanıp, jaña kelissözder jasaladı. Jiınğa 40-qa juıq memlekettiñ basşıları, 100-den astam sırtqı ister jäne qorğanıs ministrleri, halıqaralıq qatınastar salasındağı bedeldi sarapşılar qatıpaq.

Şarağa deyin el prezident birneşe memlekettiñ basşılarımen, halıqaralıq wyımdar men Germaniyanıñ iri kompaniyalarınıñ jetekşilerimen  ekijaqtı kezdesuler ötkizedi dep josparlanğan. Atap aytqanda, Qasım-Jomart Toqaev «BayWaAG» kompaniyasınıñ basqarma törağası Klaus Lutcpen kezdespek. Atalğan kompaniya auılşaruaşılığı, qwrılıs jäne energetika salasınıñ alıbı sanaladı. İri holding endi Ortalıq Aziyamen baylanıs ornatpaq.

Ayta keteyik, Germaniya Qazaqstannıñ eñ iri üş sauda äriptesiniñ qatarına kiredi. 2017 jılı şildede Qazaqstan men Germaniya iskerlik keñesiniñ otırısında qwnı 872 mln euroğa bağalanatın 21 kelisimge qol qoyıldı. Al biıl 25 naurızda Germaniya Qarulı Küşteriniñ äskeri qimıldardı model'deu jäne äskeri medicina salasında cifrlıq monitoring jüyesin paydalanudı üyrenu maqsatında arnayı jasaq bölimşeleri arasında täjiribe almasu turalı kelisimderge qol qoyıldı. Bıltır eki el arasında äskeri ıntımaqtastıq kelisimi qabıldandı.

"The Qazaq Times"