Foto: tengrinews.kz Bişkekte Tekebaevtıñ jaqtastarı ereuilge şıqtı

Alayaqtıq pen sıbaylas jemqorlıqqa qatısı bar degen ayıppen  eki ayğa türmege jabılğan Qızğızstannıñ oppoziciyalıq  "Ata-meken" partiyasınıñ köşbasşısı Ömirbek Tekebaevtıñ jaqtastarı Bişkektiñ ortalığındağı Eski alañğa ereuilge şıqtı dep habarlaydı RIA agenttiginiñ tilşileri. 

Qırğızstannıñ wlttıq qauipsizdik komitetiniñ qızmetkerleri 26 aqpan küni Vena qalasında ötken EQIW-nıñ parlamenttik assambleyasınıñ sessiyasınan oralğan Tekebaevtı wstağan bolatın. Respublikanıñ Bas prokuraturası sayasatkerdiñ jäne basqa da twlğalardıñ üstinen  "sıbaylas jemqorlıq" jäne "alayaqtıq" baptarı boyınşa qılmıstıq is qozğağan edi. Audandıq sottıñ şeşimi boyınşa, Tekebaev eki ayğa türmege jabılğan. Al qorğauşılar joğarıda aytılğan instanciyağa baylanıstı apellyaciyalıq şağım berip, üy qamaqqa şığarudı ötingen bolatın.

Qırğızstannıñ Joğarğı sotı ğimaratınıñ aldına jinalğan halıq, jaqtastarınıñ üstinen qozğalğan is boyınşa, apellyaciya şağımın orındaudı talap etude. Joğarğı sot qorğauşılardıñ ötinimin jauapsız qaldırğandıqtan, halıq osınday äreketke barıp otır.

Mitingke qatısuşılar Tekebaevqa qatıstı qılmıstıq istiñ sayasi astarı bar ekendigin alğa tartıp, "özgeşe oylaytındarğa"  qarsı «quğındı» toqtatudı talap etude. 

"Ata-meken" partiyasınıñ parlamenttegi deputatı Almambet Şıkmamatov: "Biz bwl is jöninde halıqaralıq sottarğa arız berip, elde bolıp jatqan "bılıqtarğa" älemniñ nazarın audarta alamız" - dep, mälimdeude.

Tekebaev respublikadağı "Ata-meken" halıqtıq  partiyasınıñ negizin qalauşı jäne köşbasşısı bolıp tabıladı. Partiya - 2005 jılı   (nätijesinde alğaşqı prezident Asqar Aqabaev bilikten ketti) jäne 2010 jılğı (nätijesinde Aqabaevtıñ ornına kelgen Qwrmanbek Bakiev bilikten ketti) qırğız revolyuciyalarınıñ belsendi qatısuşı bolğan. Socialisterdiñ köşbasşısın wstağalı beri eldiñ oñtüstik aymağı men sayasatkerdiñ tuğan öñirinde halıq jappay mitingter men ereuilder wyımdastırıp jatır.

«The Qazaq Times»