بىشكەكتە وپپوزيتسيا كوشباسشىسىنىڭ جاقتاستارى ەرەۋىلگە شىقتى

الاياقتىق پەن سىبايلاس جەمقورلىققا قاتىسى بار دەگەن ايىپپەن  ەكى ايعا تۇرمەگە جابىلعان قىزعىزستاننىڭ وپپوزيتسيالىق  "اتا-مەكەن" پارتياسىنىڭ كوشباسشىسى ومىربەك تەكەباەۆتىڭ جاقتاستارى بىشكەكتىڭ ورتالىعىنداعى ەسكى الاڭعا ەرەۋىلگە شىقتى دەپ حابارلايدى ريا اگەنتتىگىنىڭ تىلشىلەرى. 

قىرعىزستاننىڭ ۇلتتىق قاۋىپسىزدىك كوميتەتىنىڭ قىزمەتكەرلەرى 26 اقپان كۇنى ۆەنا قالاسىندا وتكەن ەقىۇ-نىڭ پارلامەنتتىك اسسامبلەياسىنىڭ سەسسياسىنان ورالعان تەكەباەۆتى ۇستاعان بولاتىن. رەسپۋبليكانىڭ باس پروكۋراتۋراسى ساياساتكەردىڭ جانە باسقا دا تۇلعالاردىڭ ۇستىنەن  "سىبايلاس جەمقورلىق" جانە "الاياقتىق" باپتارى بويىنشا قىلمىستىق ءىس قوزعاعان ەدى. اۋداندىق سوتتىڭ شەشىمى بويىنشا، تەكەباەۆ ەكى ايعا تۇرمەگە جابىلعان. ال قورعاۋشىلار جوعارىدا ايتىلعان ينستانتسياعا بايلانىستى اپەللياتسيالىق شاعىم بەرىپ، ءۇي قاماققا شىعارۋدى وتىنگەن بولاتىن.

قىرعىزستاننىڭ جوعارعى سوتى عيماراتىنىڭ الدىنا جينالعان حالىق، جاقتاستارىنىڭ ۇستىنەن قوزعالعان ءىس بويىنشا، اپەللياتسيا شاعىمىن ورىنداۋدى تالاپ ەتۋدە. جوعارعى سوت قورعاۋشىلاردىڭ ءوتىنىمىن جاۋاپسىز قالدىرعاندىقتان، حالىق وسىنداي ارەكەتكە بارىپ وتىر.

ميتينگكە قاتىسۋشىلار تەكەباەۆقا قاتىستى قىلمىستىق ءىستىڭ ساياسي استارى بار ەكەندىگىن العا تارتىپ، "وزگەشە ويلايتىندارعا"  قارسى «قۋعىندى» توقتاتۋدى تالاپ ەتۋدە. 

"اتا-مەكەن" پارتياسىنىڭ پارلامەنتتەگى دەپۋتاتى المامبەت شىكماماتوۆ: ء"بىز بۇل ءىس جونىندە حالىقارالىق سوتتارعا ارىز بەرىپ، ەلدە بولىپ جاتقان "بىلىقتارعا" الەمنىڭ نازارىن اۋدارتا الامىز" - دەپ، مالىمدەۋدە.

تەكەباەۆ رەسپۋبليكاداعى "اتا-مەكەن" حالىقتىق  پارتياسىنىڭ نەگىزىن قالاۋشى جانە كوشباسشىسى بولىپ تابىلادى. پارتيا - 2005 جىلى   (ناتيجەسىندە العاشقى پرەزيدەنت اسقار اقاباەۆ بيلىكتەن كەتتى) جانە 2010 جىلعى (ناتيجەسىندە اقاباەۆتىڭ ورنىنا كەلگەن قۇرمانبەك باكيەۆ بيلىكتەن كەتتى) قىرعىز رەۆوليۋتسيالارىنىڭ بەلسەندى قاتىسۋشى بولعان. سوتسياليستەردىڭ كوشباسشىسىن ۇستاعالى بەرى ەلدىڭ وڭتۇستىك ايماعى مەن ساياساتكەردىڭ تۋعان وڭىرىندە حالىق جاپپاي ميتينگتەر مەن ەرەۋىلدەر ۇيىمداستىرىپ جاتىر.

«The Qazaq Times»