Foto: https://qaz.neonomad.kz

Qazaqstanda bir jıldıñ özinde eki mıñnan astam jemqorlıq isi qozğaladı. Sonımen qatar şamamen 1 200-ge tarta adam qılmıstıq jauapqa tartıladı

Sıbaylas jemqorlıqqa qarsı is-qimıl agenttigi törağasınıñ birinşi orınbasarı Oljas Bektenov: «Däl qazirgi uaqıtta sıbaylas jemqorlıqqa qarsı qızmet büginde 65 qılmıskerdi izdestirip jatır. Sıbaylas jemqorlıqqa qatıstı bwl adamdardıñ arasında 33-i şetelde jasırınıp jür», – dedi.

Ötken jıldıñ soñında Parlament Senatınıñ jalpı otırısında «Qazaqstan men Europa Keñesi arasındağı Sıbaylas jemqorlıqqa qarsı memleketter tobı ökilderiniñ jäne bağalauşı toptar müşeleriniñ (GREKO) artıqşılıqtarı men immunitetterine qatıstı kelisimdi ratifikaciyalau turalı» Zañı qabıldanğan bolatın. 9 qañtarda Qazaqstan Europa keñesiniñ Sıbaylas jemqorlıqqa qarsı memleketter tobı (GREKO) bastamasına qosıldı. Bwl jöninde mälimdeme jasağan O.Bektenov: «Birinşi kezekte, Europa Keñesi sarapşıları sıbaylas jemqorlıqqa qarsı zañnamağa ünemi monitoring jürgizip türadı. Bwl twrğıda älemdik üzdik täjiribelerge, halıqaralıq normativtik-qwqıqtıq aktilerge säykestik bağıtı nazarda boladı. Monitoringtiñ ärbir raundınıñ qorıtındısı boyınşa elimizge tiisti wsınıstar jasaladı, yağni jemqorlıqqa qarsı is-qimıl tiimdiligin arttıru maqsatında zañnamağa özgerister nemese wyımdastıru şaraların qabıldau qadamdarı pısıqtaladı», – dedi.

Negizinen GREKO-ğa qosılu Europa Keñesiniñ sıbaylas jemqorlıq üşin qılmıstıq jauapkerşilik turalı konvenciyasın ratifikaciyalauğa jol aşadı. Bwl öz kezeginde qılmıskerlerdi ekstradiciyalau, olardıñ zañsız tapqan mülkin qaytaru mäseleleri boyınşa Europa elderimen ıntımaqtastıqtı küşeytuge mümkindik beredi.

 

"The Qazaq Times"