Körneki suret. Foto: aşıq derekköz

Ekonomist älemdegi ekonomikalıq ahualdıñ eldegi jağdayğa äserin ayttı.  

«Astana Best Consulting Group» ekonomisi Arman Bayğanov aldağı jılı dollar bağamı töl valyutamızğa şaqqanda 400 teñgege deyin ösedi deydi. Al mwnay bağası joğarılaydı desedi. Arman Bayğanov Instagram paraqşasında:

«2020 jılı mwnaydıñ ortaşa bağası biılğa qarağanda joğarı boladı. Brent barreli 65-75 dollar şamasında boladı dep kütilude», – dep jazdı. Mwnıñ sebepterin sarapşı mına argumenttermen baylanıstıradı. 2020 jılı AQŞ mwnay öndirudi azaytpaq. Dollardıñ satıp alu äleuetiniñ kemuinen (jılda 2-3% inflyaciya äserinen) jılma-jıl mwnay öndiru şığındarı ösip keledi. OPEK+ elderi men Iran, Venesueladağı sankciyalıq jağdayğa baylanıstı älemniñ swranısı artadı.

«Mwnay bağasınıñ boljaldı ösui wlttıq valyutağa birşama qoldau körsetedi. Degenmen 2020 jılı inflyaciyalıq procester 5-10% bolğandıqtan – AQŞ dollarınıñ bağamı 400 teñgeden asadı dep oylaymın», – degen boljam jasadı ekonomist.

Täuelsizdik jıldarı işinde töl valyuta dollarğa şaqqanda 83 esege qwldırap, öz qwnın älsiretken. Biıl qazan-qaraşa aylarında AQŞ dolları bağamı keybir aqşa ayırbastau orındarında 391 teñgege deyingi bağamen satılğan.

"The Qazaq Times"