"Jusan" operaciyası ayasında elge oralğan ana men bala. Foto: SPutnik / Sayed Ali

Bügingi tañda Irak pen Süriya aumağında jüzge tarta qazaqstandıq jürgeni belgili boldı.

Azattıq swrau saldırğan WQK-niñ jauabında soğıs aymağında Qazaqstannıñ 90-nan astam azamatı bar ekeni atılğan. Onıñ 63%-ı äyelder körinedi. Jürge tarta kisiniñ 15-i (ekeui er adam) lager'ler men türmelerde jäne 6 äyel Irakta qamauda otır.

Jauaptı organnıñ deregine qarağanda, Irak-Süriya aymağınan 277 eresek adam (57 er adam, 220 äyel adam) jäne 547 kämelet jasqa tolmağan bala keri qaytarılğan. Olardıñ qatarında 44 azamatqa (34 er adam, 10 äyel adam) «terror topqa jäne şeteldegi qarulı qaqtığısqa qatıstı», «terrorizmdi nasihattadı jäne qarjılandırdı» degen ayıppen bir jıldan 11 jılğa deyin bostandıqtarınan ayırılğan.

Dini radikalizmniñ iri oşağına aynalğan aymaqtatardan oralğan 198 äyel men 545 bala Qazaqstannıñ beyimdeu-oñaltu ortalıqtarında bolğan.

Biıl Qazaqstan tarapı birneşe kezeñnen twratın «Jusan» evakuaciyalau operaciyasımen barlığı 357 qazaqstandıq bala elge jetkizilgen. Taratıp aytqanda, 9 qañtarda «Jusan-1» Qazaqstannıñ 47 azamatı, 7 jäne 9 mamır künderi «Jusan-2» 231 azamat, olardıñ 159-ı – bala, al soñğı «Jusan-3» operaciyasımen 28-31 mamırda 67 äyel, 171 bala Süriyadan oralğan edi.

Qaraşnıñ basında ötken Qazaqstan Dintanuşılarınıñ Hİ forumında WQK terrorizmge qarsı ortalıq bastığınıñ orınbasarı Sergey Şveykin Qazaqstandağı destruktivti ağımdı wstanuşılardıñ sanı 20 mıñnan asatının mälimdegen edi.  Bıltır şildede Qazaqstannıñ Wlttıq qauipsizdik komiteti Süriya men Irakta soğıs bastalğalı Tayau Şığısqa 800-ge tarta qazaqstandıq ketkenin habarlağan bolatın.

"The Qazaq Times"